Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

एजेन्सी। बलिउडका थ्री स्टार, थ्री खानहरु आफूहरुलाई एक अर्काका दोस्त भन्दा पनि दुश्मन भन्न बढी रुचाउँछन्। यिनीहरु एउटै कार्यक्रम या समारोहमा एकसाथ उपस्थित हुन चाहन्न। ती थ्री खानहरु हुन् आमिर खान, सलमान खान र शाहरुख खान। यी खानहरुबीचको चिसो सम्बन्धका कारण अन्य कलाकार तथा निर्माता, निर्देशक समेत मारमा पर्ने गरेका देखिन्छन्।  
भनिन्छ, आफू भन्दा कोही एक कदम अगाडि पर्छ भने त्यो आफूलाई सह्य हुँदैन, त्यो मानव सोभाव हो। सायद यस्तै सोभाव, यी थ्री खानमा बढी हावी भएको छ। व्यवसायिक हिसाबले यी तीनै खान सफल मानिन्छन्। त्यसैले यिनीहरु दोस्त कम दुश्मन बढी भएका हुनसक्छन्। तर गत हप्ता चमत्कार हुन पुग्यो। आमिर खानले शाहरुख खानको खुलेर प्रशंसा समेत गरेनन्, सफलताको कामना समेत गरे।  
गत हप्ता, आमिरले शाहरुख खानको आगामी चलचित्र 'माइ नेम इज खान' को सफलताको कामना गरे। उनले शाहरुखको 'माइ नेम इज खान' को प्रोमो आफूलाई निकै मनपरेको तसर्थ उक्त चलचित्रले थ्री इडियट्सको समेत रेकर्ड तोड्न सकोस् भन्ने कामना व्यक्त गरेका स्रोतको भनाई छ। आमिरको उक्त भनाई शाहरुखका लागि चुनौति हो या साँचै कामना। तर त्यसबाट यति थाहा पाउन सकिन्छ कि आफ्नो जात धर्म र संस्कृतिका लागि सबै एकजुट हुने गर्छन् भन्ने सन्देश पाउन सकिन्छ।  
तर शाहरुखले भने आमिरको उक्त अभिव्यक्तिको कुनै प्रतिक्रिया दिएका छैनन्। यद्यपि यसअघि यी कलाकारबीच मिडियाको माध्यमबाट निकै समयसम्म वाकयुद्ध चलेको थियो।