Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

काठमाडौँ । सरकारले परिपत्रबाट सुन आयातमा रोक लगाएपछि ह्याण्डक्यारी मार्फत ६ करोड रुपैंयाको सुन नेपाल भित्र्याइएको छ।
स्ट्यान्डर्ड चार्टर बैंक र सिद्धार्थ बैंकका दुई आयातकर्ताले ह्यान्डक्यारीमार्फत सोमबार आठलाख डलर बराबरको  २० केजी सुन नेपाल भित्र्याएका छन्।  
सरकारले सुन आयातमा रोक लगाएपछि नेपाली बजारमा सुनको मूल्य अन्तर्राष्ट्रिय बजारमा भन्दा एकहजार तीन सय रुपैया भन्दा बढी बृद्धि भएको थियो।
तर सरकारले सुन आयातमा रोक लगाए तापनि ह्यान्डक्यारी मार्फत सुन भित्रिएपछि स्थानीय बजारमा सुनको मुल्य केहीमात्रामा घट्ने व्यवसायीहरुको अनुमान रहेको छ।
ह्यान्डक्यारी मार्फत अहिले घटीमा पनि १० किलो सुन ल्याउन पाउने व्यवस्था रहेको छ। यी दुई बैंकले दुवईबाट सुन आयात गरेका हुन्।
ह्यानडक्यारी मार्फत सुन आयात गर्न पाइने भए पनि बैकले ऋण उपलब्ध नगराउदा सबै डिलरहरुले सुन ल्याउन सकेका छैनन्।  
अहिले हातमा रकम हुनेहरुलेमात्र सुन ल्याउन सक्ने अबस्था रहेको छ।  
सुन ल्याउन पाउने कोटा ताकेर बैंकिङ फाइनान्सबाट कारोबार गर्न दिएमा सुनको मूल्य अझै घट्न सक्ने सुन डिलर निर्मलज्योती तुलाधरले बताए।
अन्तराष्ट्रिय बजारमा सुनको मूल्य घट्दा पनि नेपाली बजारमा यसको मूल्य घट्न नसक्दा यसको प्रत्यक्ष असर उपभोक्तहरुलाई नै परिरहेको छ।