Weekly Nepal

तिहारलगत्तै समझदारी हुन्छ

दलहरुबीच विश्वासिलो समझदारी बन्ने संभाबना देखा परेको छ।  तिहारलगत्तै 'ब्रेक थ्रु' भएको समाचार आम नेपालीलाई सुनाउने तयारीमा छु। तिहारसकिए लगत्तै शान्ति प्रक्रियालाई पूर्णतामा पुर्यापउने र संविधान निर्माणको कार्यलाई एउटा महत्वपूर्ण बिन्दुमा पुर्यााउने तयारी भैरहेको छ। तिहारपछि शान्ति र संविधान निर्माणमा ठोस काम अघि बढाएर मुलुकको रुपान्तरणको प्रयाश गरिने छ। तपार्इंहरु ढुक्क हुनुहोस्, अब शान्ति र संविधानको काम पूरा हुन्छ।  

प्रधानमन्त्री डा. बाबुराम भट्टराई 

माओबादीप्रतिको आशंका हटेको छैन  

नेपाली कांग्रेसलाई अवमूल्यन गरेर शान्ति प्रक्रिया टुङ्गोमा पुग्दैन र लोकतान्त्रिक संविधान पनि बन्दैन भन्ने मूल कुरा अब आएर माओबादीले बुझ्दै गएजस्तो देखिएको छ। शान्ति र संविधानप्रति माओवादी सम्बेदनशील भएकै हो भने सरकारलाई हतियार बुझाउनुपर्ने, कब्जा घरजग्गा फिर्ता गरेर विस्थापितलाई पुनर्बासको व्यवस्था गर्नुपर्ने, वाइसिएलको अर्धसैन्य संरचना भङ्ग गर्नुपर्ने, हालै गठन गरेको पिपुल्स भोलेन्टियर र क्रान्तिकारी जनपरिषद् खारेज गरेर विश्वासको वातावरण बनाउनु पर्छ। आफ्नै पार्टीको नेतृत्वमा गठन भएको सरकारलाई पनि हतियार बुझाउन नमानेकाले माओवादीप्रतिको शङ्का अझै हटेको छैन।  

नेकांका सभापति सुशील कोइराला 

मधेशी मोर्चाले कठोर निर्णय लिन्छ  

माओवादी र संयुक्त मधेसी मोर्चाको गठबन्धनको अवधि अब केबल ३० दिन मात्र रहेको छ। मंसिर १४ भित्र शान्ति प्रक्रियालाई निष्कर्षमा पुर्या्एर संविधानको मस्यौदा नआए संयुक्त मधेसी मोर्चाले कठोर निर्णय लिने छ। दलहरुसँग शान्ति र संविधानको विकल्प छैन। वर्तमान गठबन्धनले नै मंसिर १४ मा संविधानको मस्यौदा जारी गर्नुपर्छ। ठूला दलले संविधानसभाभन्दा सरकार बनाउने कुरालाई प्राथमिकता दिएकै कारण शान्ति प्रक्रिया र संविधान लेखनमा अवरोध आएको हो। ठूला दलका नेताहरुले ऐतिहासिक दायित्व पूरा गर्न सकेनन्। प्रधानमन्त्रीको राजीनामा माग्नेहरुलाई संसदमा अविश्वासको प्रस्ताव ल्याउन चुनौती दिन्छु। सरकार अविश्वास प्रस्तावको सामना गर्न तयार रहेको छ।  

गृहमन्त्री बिजय गच्छेदार 

माओवादीले वातावरण बनाउनुपर्छ  

कांग्रेसको प्राथमिकता शान्ति र संविधान हो। त्यसका लागि माओवादी बढी जिम्मेवार भएर प्रस्तुत हुनुपर्छ। शान्तिप्रक्रियामा आवश्यक राजनीतिक निर्णय लिन माओवादीले वातावरण बनाउनुपर्छ। त्यसका लागि हतियार फिर्ता, वाइसिएल भङ्ग तथा कब्जा सम्पत्ति फिर्तालगायतका काम गर्नुपर्छ। राजनीतिक दलहरूले प्रधानमन्त्रीको भारत भ्रमण अघि र पछि पनि शान्तिप्रक्रिया सफल बनाउन प्रयास गरेको भए पनि माओवादीभित्रको आन्तरिक खिचलोले त्यसमा बाधा पुगेको स्पष्ट छ। अब विशेष समिति र प्रमुख दलहरूको बैठक छिटो बोलाएर शान्ति र संविधान लेखनको कामलाई अघि बढाउनुपर्छ। यसमा कांग्रेस जिम्मेवार प्रतिपक्षको भूमिकामा रचनात्मक सहयोग गर्न हरदम तयार छ। 

नेकांका महामन्त्री प्रकाशमान सिंह 

नयाँ संविधान जारी गर्नु नै प्रमुख लक्ष  

शान्ति प्रक्रिया पूरा गर्दै नयाँ संविधान जारी गर्नु नै वर्तमान सरकारको लक्ष्य रहेको हुँदा यसलाई पूरा गर्न हरतरहले प्रयासरत रहेका छौ। त्यसैका लागि दलहरुबीच घनिभूत रुपमा छलफलहरु पनि भैरहेका छन्। बिबादित बिषयलाई टुंगोमा पुर्यािउने प्रयासहरु पनि भैरहेका छन्। आपसमा बाँकी रहेका असमझदारीहरुलाई अन्त्य गर्ने र बिश्वासको बाताबरण तयार गरेर राष्ट्रिय सहमति गरी संविधान घोणणा गर्ने गराउने प्रयासहरु पनि भैरहेका छन्।   

स्वास्थ्य तथा जनसङ्ख्या मन्त्री राजेन्द्र महतो 

माओबादीको बिबादले संविधानमा असर गर्दैन 

माओबादी पार्टीभित्रको अन्तरसङ्घर्ष विचारको सङ्घर्ष हो। जसको समाधान पनि पार्टी भित्रबाटै हुन्छ। त्यसले संविधान निर्माणमा कुनै असर गर्दैन। शान्ति र संविधानको पक्षमा माओबादी भित्र कुनै बिबाद छैन। यो कुरालाई सबैले बुझ्नु पर्दछ। संविधानसभाको अन्तिम म्यादभित्रै सेना समायोजन भई मस्यौदा संविधान जारी हुन्छ। त्यसैका लागि माओबादी पार्टी र माओबादी नेतृत्वको सरकार प्रयासरत रहेको छ। 

संसदीय व्यवस्था तथा संस्कृति मन्त्री गोपाल किराती