Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

परासी, माघ २६। पूर्वपश्चिम राजमार्ग अन्तर्गत नवलरासीको दाउन्नेमा सोमबार भएको सवारी दुर्घटनामा परेर चारजनाको मृत्यु भएको छ भने २० जना घाइते भएका छन्। घाइतेमध्ये १० जनाको अवस्था गम्भीर रहेको प्रहरीले जनाएको छ ।
काठमाडाँैबाट धनगढीतर्फ गइरहेको ना.२ ख ६९५० नम्बरको बस तीव्र गतिका कारण माकर–४ दाउन्नेको बाँसखोला बतासे भन्ने स्थानमा दुर्घटनाग्रस्त भएको थियो।  
दुर्घटनामा मृत्यृ हुनेमा नयाँ बेलानी अरुणखोला बस्ने ४२ वर्षीय जगन्नाथ भण्डारी, बर्दिया सानोश्रीका अस्मीता मार्केटिङका प्रोपाराईटर २८ वर्षीय सुधनकुमार रिजनल र गुल्मी अर्नाङकोटका ५५ बर्षीय परशुराम सापकोटा र नाम खुल्न नसकेका एक छन्।
घाइते हुनेहरुमा बाँके नौबस्ताका १३ वर्षीय सिताराम थारु, बाँके बनकट्टाका २४ वर्षीय जयप्रकाश थारु, नवलपरासी नयाँ बेलहानीका ५४ वर्षीय सरस्वती श्रेष्ठ, स्याङ्जा दुर्भुङका १८ वर्षीय सविता ठकुरी र सोही ठाउँ बस्ने २५ वर्षिय पुरन ठकुरी रहेका छन्।
यसैगरी, कञ्चनपुर महेन्द्रनगर नगरपालिकाका ४० वर्षीय गगनसिंह धामी, बझाङ बडहारीका २५ वर्षीय जहिर बहादुर सिंह, कपिलवस्तु गोरुसिंगेका ३६ वर्षीय माया अधिकारी, सोही ठाउँ बस्ने ४० वर्षीय भुण्टे कुँवर, सोही ठाउँका १२ वर्षीय माईकल कुँवर, सोही ठाउँका ११ वर्षीय कृष्ण अधिकारी, नवलपरासी रजहरका ८९ वर्षीय नारायणदत्त पौडेल गम्भीर घाइते हुनुभएको छ।
गम्भीर घाइतेहरुको बुटवलमा उपचार भइरहेको छ भने सामान्य घाइतेहरुको बर्दघाटस्थित दाउन्ने पोलिक्लिनिकमा उपचार भइरहेको छ।