Weekly Nepal

स्तम्भकार भट्टराईलाई चक्रपाणि पुरस्कार

काठमाडौं/ वरिष्ठ साहित्यकार तथा देशान्तर साप्ताहिकका स्तम्भकार डा.तुलसी भट्टराईलाई यसवर्षको 'चक्रपाणि स्मारक पुस्कार' प्रदान गरिएको छ। साहित्यकार चक्रपाणि चालिसेको स्मृतिमा दिइने सो पुरस्कारको राशी दस हजार रुपियाा रहेको छ। पुरस्कार ग्रहणपश्चात् भट्टराईले चक्रपाणीका कृतित्व र व्यक्तित्वबारे थप अध्ययन, अनुसन्धान गर्न पुरस्कारले झक्झकाएको बताएका थिए। उनले नयाा पुस्तालाई चालिसेका कृतिहरू अध्ययन गर्न पनि सुझाव दिए। कार्यक्रममा नेपाल प्रज्ञा प्रतिष्ठानका कुलपति वैरागी काइालाले चालिसेका कृतित्वबारे खोतल्न धेरै बााकी रहेको धारणा राखेका थिए। वि.सं. १९४० मा भक्तपुरको कटुञ्जेमा जन्मिएका चालिसेको वि.सं. २०१५ सालमा मृत्यु भएको थियो। उनका बगली कोष, नेपाली संक्षिप्त भारत, संक्षिप्त रामायणलगायतका कृतिहरू प्रकाशित छन्।
कविता
“शव बोकी रुँदैरुँदै”
बामदेव पण्डित
न हाँस न त कौवाको चाल मिल्ने भएन यो।
नेता प्रचण्ड व्याख्यान थाल्दैछु अब लेख्न यो।।१।।
तुलसी राम पिता श्री पुष्पकमलका हरे।
अन्त्येष्टीमा पिताजीको विधि विचित्रले गरे।।२।।
सुट पेन्ट लगाए रे शव बोके रुँदैरुँदै।
हिँड्थे शव यात्रामा बिहोस् झै हुँदैहुँदै।।३।।
लिँदै चिन्ता चिता पौची दागबत्ति दिइकन।
केन्द्रतर्फ फिरे शीघ्र पार्टीको बोझ फ्याँक्न।।४।।
सनातन चलेका ती ढोगी कार्य हटाउँछौं।
माओवादी अघि भन्थे नयाँ पद्धति ल्याउँछौं।।५।।
सम्झी नारा यिनै होला भिन्दै थाल निकालँदै।
पार्टीको मान राखेर फर्के थे हाम फालँदै।।६।।
विभिन्न जातजातिमा आफ्नै संस्कृति पद्धति।
चलेको विश्वमा देख्छौं ठानौं यो सर्वसम्मति।।७।।
अन्त्येष्टीमा सबै ठाउँ चल्दैछ मृत्यु कार्यमा।
त्रुटि गर्न खुसी हुन्न जनता यो यथार्थमा।।८।।
माओवादी भनाउँदा नयाँ सिष्टम ल्याउन।
झाँरुन पसिना, मान्छे, सक्ने छैन पत्याउन।।९।।
माथिको उपमा हेरी माओवादी न हौ पर।
आदर्श संस्कृति थाम्न सदैव बन तत्पर।।१०।।
प्रख्यात डायना मर्दा उनको शवमा अहो।
फूल चलाउँदा निर्ख्याे ब्रिटेन भर सत्य हो।।११।।
बाहिरबाट ल्याइयो फूल दुई सय ट्रक। 
गरे स्वागत साराले पुर्‍याइ मनको धक।।१२।।
पिताको शव हेपे थे पशुलाश बराबरी।
माओवादी महा नेता प्रचण्डले कठै बरी।।१३।।
शवको सबले गर्छ विश्वमा सनमान है।
नगर्ने पितृमा श्रद्धा पुष्पकमल मान है।।१४।।
श्रद्धा धेरै गरी फेरि अश्रद्धा पनि गर्दथे। 
दुईधारे गरे काम नेपाली छक्क पर्दथे।।१५।।