Weekly Nepal

श्रमको मिलेमत्तोमा रेशुङ्गाको ठगि धन्दा

Details

Category: पाठक

श्रीमान सम्पादक ज्यू, 

तपाईको यस लोकप्रिय पत्रिका जनप्रहारमार्फत हामीलाई परेको पिर मर्का बताउन चाहान्छौं।  आशा छ यसलाई स्थान दिएर हामीलाई सहयोग गर्नु हुनेछ। बदनामी कमाएको रेशुङगा इन्टनेशनल प्रालि मेन्ापावर कम्पनीका संचालक पारस लोहनीले फेरी मकाउ पठाउंछु भन्दै लाखौं उठाइरहेका छन्। श्रम विभागको कारबाही फुकुवा समेत नभएको सो मेनपावर कम्पनीका संचालक लोहनीले धमाधम विना श्रम स्वीकृती मकाउ र जापान पठाइरहेका छन्। पहिला नै श्रमले कारबाही गरेकाले लोहनीले पत्रपत्रिकामा विजापन समेत गर्न पाएका छैनन्। तर उनले अझै पनि हामी पिडितहरूको करोडभन्दा बढी रकम तिरेको छैनन्। पिडितहरू श्रम विभागमा उजुरी हालेका थिए तर लोहनीमाथि कुनै कारबाही भएन। बरु उल्टै उनले भित्रभित्रै मकाउ र जापान पठाउने नाममा ब्यापक पैसा उठाई रहेका छन्। श्रम विभागका धामी थरका कानुन अधिकृतसंग मिलेर श्रमविभागको कानुनी कारबाहीबाट समेत उनी बच्दै आएका छन्।  केही महिना पहिले धामी बुद्धनगरस्थित रेशुङगा मेनपावरमा छापा हान्न गएपनि उनले मोटो रकम दिएपछि ढोकैबाट फर्केका थिए। रकम उठाएर मकाउ पठाउन नसकेको तथा मकाउ पठाएका पनि सम्झौता अनुसार काम नपाएको भन्दै नेपाल फर्केर उजुरी दिएपछि संचालक लोहनीलाई दुई बर्ष पहिला पनि श्रम विभागले पक्राउ गरी कारबाही गरेको थियो। दुई हप्ता भन्दा बढी थुनामा बसेपछि उनका वकिलले उनलाई धरौटीमा रिहा गराएका थिए। ठगिको आरोपमा पिडितहरूले नै संचालक लोहनीलाई पक्राउ गरी श्रमविभागलाई बुझाएका थिए।  प्रत्येक ब्यक्तिबाट लाखौं असुले पनि मकाउ नपठाएको कारण पैसा माग्नेहरूको भिड थेग्न नसकेर यतिखेर मेनपावरको कार्यालय नै धोवीघाट ललितपुरमा सारेको छ। पैसा बुझाएर पनि विदेश जान नपाएका पिडितहरू भने बुद्धनगरस्थित पहिला मेनपावर बसेको घर पुगि आफु ठगिएको महसुस गर्दे फर्किने गरेका छन्। लोहनीको दलाली धन्दालाई उनका सहयोथी भरत नाम गरेका व्यक्तिले गर्दै आएको पनि जानकारी गराउन चाहान्छु। लोहनीले पत्रत्रिकामा आफ्नो राम्रो भएको र आफुलाई कसैले केही गर्न नसक्ने समेत धम्की दिने गरेकाले यो पत्रिकामार्फत लोहनी जस्ता मानब तस्कर बारे छताछुल्ल पार्न समेत हामी अनुरोध गर्दछौं।  

रेशुङगाका मेनपावरबाट पिडितहरू