Weekly Nepal

माओवादीमा ठेगान लगाउने खेल

काठमाडौं, फागुन ५ । नेपाली राजनीतिले अग्रगति लिन सकेको देखिएको छैन। संविधानसभाको निर्वाचनपछि चार जनाको नेतृत्वमा सरकार गठन भए पनि सधैं आशै आशाको अवस्था नेपाली जनताले झेल्नु परेको छ। सरकारको नेतृत्व परिवर्तन हुँदा समाधानका आशा राख्दै तर निराशहुँदै समय व्यतित गर्नुपर्ने अवस्थामा नेपाली जनता पुगेका छन्।  नेपाली राजनीतिले एउटा बाटो पहिल्याउन नसक्दा समस्या दिन प्रतिदिन झाँगिदै गएको छ। निकासकोलागि हरेक दिन जसो विकल्पहरुका बारेमा चर्चा हुने गरे पनि तिनले मुर्त रुप लिन पाएको छैन। राजनीतिज्ञहरुका व्यक्तिगत स्वार्थका कारण देशको समस्या भन्दा पनि नेताहरुका समस्यामा हुलुक रुमलिन पुगेको देखिन्छ। बाबुराम भट्टराईको नेतृत्वमा बनेको वर्तमान सरकारबाट मुलुक काँचुली फेर्ने अपेक्षा सबैजसोले गरे पनि त्यो वास्तविकतामा रुपान्तरण हुन सकेन। माओवादीलाई समर्थन गर्ने दलहरु तराई केन्द्रित भएकाले पनि भट्टराईले आफ्नो चाहना अनुरुप मुलुकलाई हाँक्न...