Weekly Nepal

राजनीतिक पाखण्डीहरुको बिगबिगी

काठमाडौं, साउन २१ । बाहिर देखाउनको लागि एउटा सिद्धान्त अँगालेको सिद्धान्तवादी बन्ने, तर ब्यवहारमा आफ्नै सिद्धान्त विपरितका काम, कुरा गर्दै हिँडने ब्यक्तिलाई पाखण्डी भनिन्छ। पाखण्डी त्यस्तो ब्यक्ति हो जो मुखले एउटा कुरा भन्छ, तर काम चाहिँ अर्कै गर्छ। हात्तीको देखाउने दाँत एउटा र चपाउने दाँत अर्कै भए जस्तै पाखण्डीको पनि बाहिरी रुप एउटा र भित्री रुप अर्कै हुन्छ। पाखण्डी साधुको भेष धारण गर्ने लम्पट ब्यभिचारी र दुराचारी जस्तै हुन्छ, जो मुखले रामराम भन्दै, गेरुवा वश्त्रमाथि रामनामी ओढेर मद्यपान, मांशाहार र ब्यभिचारमा लिप्त हुन्छ। पाखण्डी अनेक अर्ती उपदेश छाँटदै हिँडछ, जो उ आफ्नो जीवनमा अनुशरण चाहिँ कहिल्यै गर्दैन। पाखण्डी आफ्नो ब्यभिचार र दुराचारलाई सहज र शंका रहित बनाउन साधुको भेष धारण गर्दछ।  पाखण्डी समाजका हरेक क्षेत्रमा हुन्छन्। चाहे धार्मिक होस् वा...