Weekly Nepal

सुपुर्दगीका नाममा राष्ट्रघात हुँदै

काठमाडौं, फागुन ७ । माओवादी र मधेशीहरुको सरकारले षडयन्त्रपूर्ण ढंगले नेपालको गृह, परराष्ट्र र आन्तरिक स्रोतको जिम्मा भारतलाई दिएर नेपाललाई दोस्रो भूटान बनाउने प्रयास गरेको देखिएको छ। माओवादीका उपाध्यक्ष तथा प्रधानमन्त्री डा.बाबुराम भट्टराईले गत आफ्नो भारत भ्रमणका क्रममा विपा सम्झौता मार्फत भारतीय उद्योगहरुलाई संरक्षण दिने र नेपाललाई भारतको सुरक्षित बजार बनाउने व्यवस्था गर्नुभएको थियो  । त्यसपछि गृह र रक्षामन्त्री विजय गच्छेदारलाई भारत पठाई गृहमन्त्रालयसाग सम्बन्धित विभिन्न गोप्य समझदारीहरु गराईएको थियो। जसअनुसार नेपाली सेना र प्रहरीलाई भारतबाट हातहतियार र सल्लाहकारहरु मगाउने प्रयास भइरहेको छ। त्यसैगरी नेपालका गुप्तचरहरुलाई भारतमा तालिम दिने व्यवस्थासमेत गरिएको छ। प्रधानमन्त्री डा. बाबुराम भट्टराई र गृह तथा रक्षा मन्त्री विजय गच्छेदारको सहमति वमोजिम विवादास्पद सुपुर्दगी सन्धीमा हस्ताक्षर गराउने प्रयास भइरहेको छ। उक्त सन्धिमा हस्ताक्षर भएमा नेपालमा भारतीय सेना...