Weekly Nepal

खेलकुदका लागि भारतबाट कामदार

Details

Category: खेलकुद

काठमाडौं। सुदूरपश्चिम क्षेत्रको धनगढी, महेन्द्रनगर, कैलाली र टीकापुरमा आउादो फागुनको १४ देखि २१ गतेसम्म सञ्चालन हुने बृहत् छैटौं राष्ट्रिय खेलकुद प्रतियोगिताले यतिबेला लगातार दक्षिण एसियाली खेलकुद प्रतियोगिता (साग) मा लगातार चारपटक स्पर्ण पदक विजेता तेक्वान्दो खेलाडी दीपक बिष्टलाई निकै हर्षित बनाएको छ।
'छैटौं खेलकुद हुने भएपछि म यसै क्षेत्रको नागरिक एवं खेलाडी भएकाले निकै खुसी भएको छु। यो प्रतियोगिताले खेलाडीभित्र रहेको प्रतिभा प्रस्फुटन हुनेमा विश्वस्त छु,' उनले भने। काठमाडौंको त्रिपुरेश्वरस्थित राष्ट्रिय खेलकुद परिषद् परिसरमा भेटिएका धनगढीका रमेश देवकोटा पनि आ136नो क्षेत्रमा आगामी फागुन १४ देखि २१ गतेसम्म छैटौंा राष्ट्रिय खेलकुद प्रतियोगिता सञ्चालन हुने भएपछि निकै खुसी देखिए। 'पहिलोपटक हाम्रो पिछडिएको क्षेत्रमा यति ठूलो खेलकुद प्रतियोगिता सञ्चालन हुने भएको छ, त्यसमा म मात्रै होइन, सिंगो सुदूरपश्चिमवासी जनता खुसी छन्। अब यस क्षेत्रमा खेलकुदको सम्पूर्ण संरचना बन्ने छन् र हाम्रा खेलाडी भाइ बहिनीले सहजै खेलकुदको तालिम पाउने छन्, यो त हाम्रा लागि निकै खुसीको कुरो हो,' उनले भने।
छैटौं राष्ट्रिय खेलकुद प्रतियोगिताको भौतिक संरचना माघ १५ गतेभित्र ठेकेदारले कुनै पनि हालतमा राज्यलाई हस्तान्तरण गरिसक्छन् भनेर ढुक्क बनेका राष्ट्रिय खेलकुद परिषद्का सदस्य–सचिव युवराज लामा भने निर्धारित समयमा संरचना आफूले बुझ्न नपाउादा खिन्न छन्। 'मैले माघको १५ गतेभित्र सम्पूर्ण खेलकुदको भौतिक संरचना पूर्णरूपले तयार भइसक्छ भनेको थिएा, तर त्यो अहिले आएर पूरा हुनसकेको छैन, त्यसमा म खिन्न भएको छु, तर अबको केही दिनभित्र ठेकेदारले हामीलाई कभर्डहल, प्यारापिट, रंगशाला, खेल मैदान सबै हस्तान्तरण गरिसक्नेछन्,' उनले भने। 
प्रतियोगिता समयमै भव्यरूपले सम्पन्न हुनेमा सबै खेलाडी, खेलप्रेमी तथा आमनागरिकलाई राखेपका सदस्य–सचिव लामाले विश्वस्त हुन आग्रह गरेका छन्। निर्माण कार्यको ठेक्का लिएको दिवा निर्माण सेवा कम्पनीसाग माघ १५ भित्र प्याराफिट मैदान, रंगशाला, कभर्डहल, एथ्लेटिक्स ट्र्याकलगायतको निर्माणकार्य सम्पन्न गर्ने सम्झौता भए तापनि अझै क्रिकेट मैदान, प्याराफिट, रंगशाला भने युद्धस्तरमा निर्माण भइरहेका छन्।
ठेकेदार कम्पनीका उत्तम बस्नेत वर्षा र बन्दका कारण निर्माणकार्य समयमै सम्पन्न हुन नसकेको बताउाछन्। उनी भन्छन्, फागुनको पहिलो हप्ताभित्र सबै काम हामी सरकारलाई जिम्मा लगाउाछौं।
राष्ट्रिय खेलकुद परिषद्का इन्जिनियर राजु श्रेष्ठले पनि धनगढी र महेन्द्रनगरमा निर्माणाधीन भौतिक संरचना दुई चार दिनमै पूर्णरूपले सम्पन्न हुने बताए। निर्माणकार्यमा केही कठिनाइ भएकाले समयमै काम सम्पन्न नभएको उनको तर्क थियो। छैटौं राष्ट्रिय खेलकुद तयारी सचिवालयका संयोजक दिपक साउदका अनुसार समयमै काम सक्न भारतबाट थप कामदार झिकाएर कामलाई तीव्रता दिइएको छ। 
यता, युवा तथा खेलकुद मन्त्रालयका सचिव श्रीराम पन्तले निर्धारित समयमा खेलकुद सम्पन्न हुनेमा सबैलाई विश्वस्त रहन आग्रह गरे। उनले भने, यो प्रतियोगिता जसरी पनि सम्पन्न हुन्छ, बरु कति रकम अपुग हुन्छ, त्यो उपलब्ध गराउन युवा तथा खेलकुद मन्त्रालय तयार छ।
मन्त्रालय र खेलकुद परिषद्ले यो प्रतियोगिता सम्पन्न गर्न सुदूरपश्चिममा खेलकुदका भौतिक संरचना निर्माण तथा मर्मत कार्य गत कात्तिक महिनाको पहिलो सातादेखि सुरु गरेका थिए। प्रतियोगिता सम्पन्न गर्न २१ करोड रुपैयाा बजेटको माग गरिएको सदस्य–सचिव लामाले जानकारी दिए। प्रतियोगिताको लोगोमा सुन्दर सुदूपश्चिममा खेलिने देउडा नाच, सबै धर्म, भाषा, जाति, लिंग, वर्ण र वर्गका नेपालीले हातेमालो गर्दै नाचिरहेको चित्र राखिएको छ। बर्दिया राष्ट्रिय निकुञ्जमा पाइने बाह्रसिंगे जरायो मस्कटमा उतारिएको छ। कर्णाली नदीको लामो पुल तरेर पुगिने सुदूरपश्चिमको प्राकृतिक सुन्दरतालाई पनि लोगोमा अंकित छ। 
लोगोको माथिल्लो भागमा चन्द्र सूर्य अंकित झन्डाले राष्ट्रियताको झल्को दिएको छ भने छेवैमा उडिरेको सेतो परेवाले शान्तिको कामना पनि गरेको छ। लोगो कलाकार जीवन राजोपाध्यायले तयार गरेका हुन्। ५८ वर्षीय कलाकारले १२ जना प्रतिस्पर्धीलाई पछि पार्दै छनोट भएको उक्त लोगो परिषद्को लोगो छनोट समितिले छानेको हो। कलाकार उपाध्यायले त्यसबापत ४० हजार पुरस्कार पाएको लोगो छनोट समितिका संयोजक कमल खनालले जानकारी दिए। यस प्रतियोगितामा ३१ खेल र एक प्रदर्शन खेल गरी जम्मा ३२ खेल समावेश गरिएका छन्। प्रतियोगितामा देशभरका १० टोलीका तीन हजार पााच सय ३७ खेलाडीले प्रतिस्पर्धा गर्दैछन्। यसअघि पहिलो राष्ट्रिय खेलकुद प्रतियोगिता २०३८ सालमा काठमाडौं, दोस्रो २०४० मा पोखरा, तेस्रो २०४२ मा वीरगन्ज, चौथो २०५५ मा नेपालगन्ज र पााचौं २०६५ सालमा काठमाडौंमा सम्पन्न भइसकेका छन्।