Weekly Nepal News http://www.weeklynepal.com Sat, 06 Sep 2008 13:01:56 +0200 FeedCreator 1.7.2 http://www.weeklynepal.com/images/M_images/elxis_rss.png http://www.weeklynepal.com Weekly Nepal News http://www.weeklynepal.com/index.php?option=com_content&task=view&id=14095&Itemid=0 काठमाडौं। नेपाल सरकार मन्त्रिपरिषदको बैठकले विभिन्न मन्त्रालयका सचिवहरुको सरुवा गरेको छ। प्रधानमन्त्री तथा मन्त्रिपरिषदको कार्यालय सिंहदरबारमा शनिबार बसेको बैठकले गोबिन्दप्रसाद कुसमलाई गृहसचिवमा, दीपेन्द्रविक्रम थापालाई प्रधानमन्त्रीको कार्यालयबाट सामान्य प्रशासन मन्त्रालयमा र माधव पौडेललाई कानुन न्याय तथा संविधानसभा ब्यवस्था मन्त्रालयमा नियुक्त गर्ने निर्णय गरेको छ। यस्तै गृहसचिव उमेश मैनालीलाई प्रधानमन्त्रीको कार्यालयको जिम्मेवारी दिइएको छ भने अविनेन्द्रकुमार श्रेष्ठलाई संस्कृति तथा राज्य पुनर्संरचनाको जिम्मा दिइएको सूचना तथा सञ्चारमन्त्री कृष्णबहादुर महराले जानकारी दिनुभयो। सरकारले सरकारी खर्च खटाएर मितव्ययिता अपनाउन ९२ बुँदे निर्देशिका जारी गरेको छ। निर्देशिकामा तलब, भत्ता, मसलन्द, विद्युत्, टेलिफोन, घर बहाल, मनोरञ्जन, बैठक भत्ता, स्वदेश तथा विदेश भ्रमण र औषधी–उपचारलगायतका बुँदामा खर्च कटौती गर्ने उल्लेख गरिएको छ। मन्त्रिपरिषद्को बैठकले माओवादी जनसेनाको लडाकू रेखदेख तथा हतियारको व्यवस्थापन गर्न गठित मन्त्रिस्तरीय समितिलाई पुनर्गठन गरेको छ साथै यसको जिम्मा शान्तिमन्त्री जनार्दन शर्मालाई दिएको छ। बारामा प्रहरीको गोली लागेर ज्यान गुमाएका हरेराम यादव र केवल राउतको परिवारलाई १०–१० लाख रुपैयाँ दिने र घाइतेहरुको निःशुल्क उपचार गराउने निर्णय पनि बैठकले गरेको छ। बैठकमा सरकारको नीति तथा कार्यक्रमको बारेमा भने आगामी सोमबार बस्ने मन्त्रिपरिषदको बैठकमा छलफल हुने तय भएको बैठकपछि वातावरण, विज्ञान तथा प्रविधिमन्त्री गणेश शाहले जानकारी दिनुभयो। बैठकमा मुस्लिम समुदायको महान पर्व रोजालाई व्यवस्थित गर्ने, कोसीका विस्थापितहरूको पुनर्स्थापना र राहतका विषयमा पनि छलफल भएको थियो। http://www.weeklynepal.com/index.php?option=com_content&task=view&id=14096&Itemid=0 काठमाडौँ। सरकारले शनिबारबाट लागू हुने गरी हलिया प्रथाको उन्मूलनको घोषणा गरेको छ। शनिबार बसेको मन्त्रिपरिषद्को बैठकले हलियाका सबै ऋण स्वतः मिनाहा हुने गरी हलिया मुक्तिको घोषणा गरेको हो।मुक्तिको माग गर्दै राजधानीको माइतीघरस्थित मण्डलामा नौ दिनदेखि हलियाहरुले धर्ना दिएका थिए। शान्ति तथा पुनर्निर्माण मन्त्री जनार्दन शर्माले मण्डलामै गएर हलिया राम बहादुरलाई अबिर लगाएर हलिया मुक्तिको घोषणा गर्नुभयो। यसअघि शुक्ररबार बेलुकी शान्ति तथा पुनर्निर्माण मन्त्रालयमा भएको हलियाको मुक्ति तथा पुनर्स्थापनासम्बन्धी पाँचबुँदे सहमति भएको थियो। सहमतिपत्रमा हलियाका सबै ऋण मिनाहा गरेर मुक्तिको घोषणा गर्ने, आन्दोलनरत हलियाहरुको माग पूरा गर्न कार्यदल गठन गर्ने र मुक्त भएका हलियालाई जमिनदारबाट हुनसक्ने खतरालाई ध्यान दिँदै सुरक्षाको व्यवस्था गर्ने उल्लेख छ। यसैगरी कार्यदलले मुक्त हलियाको पुनर्स्थापनाका लागि १५ दिनभित्र प्याकेज तयार गर्ने र बदलामा मुक्त हलियाहरुले आन्दोलन फिर्ता लिने सहमति पनि भएको थियो। सहमतिअनुसार आजै श्रम, भूमिसुधार र शान्तिमन्त्रालयका १–१ जना तथा मुक्त हलियाका तर्फबाट ६ जना प्रतिनिधि रहने गरी नौ सदस्यीय कार्यदलसमेत गठन गरीएको छ। मध्य र सुदूरपश्चिमका जिल्लाहरुमा बँधुवा मजदुरको रुपमा हलिया राख्ने चलन छ। http://www.weeklynepal.com/index.php?option=com_content&task=view&id=14093&Itemid=0 काठमाडौँ। शान्ति तथा पुनर्निर्माणमन्त्री जर्नादन शर्मा प्रभाकरले प्रधानमन्त्री पुष्पकमल दाहाल प्रचण्डले २९ भदौबाट गर्ने भारत भ्रमणका दौरान सन् १९५० को 'असमान सन्धि' बारे कुरा उठाउने बताउनुभएको छ। रिपोर्टर्स क्लब नेपालले शनिबार राजधानीमा आयोजना गरेको साक्षात्कारमा बोल्दै उहाँले नयाँ परिस्थितिमा नयाँ आधारको सम्बन्ध स्थापना गर्नेबारे भारतमा विशेष कुराकानी हुने बताउनुभएको हो। भारतसँग सन् १९५० मा भएको सन्धि पुनरवलोकन गर्नुपर्छ भन्दै मन्त्री प्रभाकरले प्रधानमन्त्रीले भारत भ्रमणका दौरान त्यसबारे कुरा उठाउनुहुने खुलासा गर्नुभयो। भारत भ्रमणका लागि एजेन्डा बनाउन गृहकार्य भइरहेको बताउँदै उहाँले भारतले नेपाललाई सकारात्मक ढंगबाट सोच्नुपर्ने अनि मात्र समानताका आधारमा सम्बन्ध स्थापित हुन सक्ने बताउनुभएको छ। सो अवसरमा उहाँले जनआन्दोलनका घाइतेको उपचारका लागि सरकारले व्यवस्था गर्ने बताउँदै उनीहरुका बालबच्चाको पठनपाठनको जिम्मेवारी पनि लिने बताउनुभयो। माओवादी छापामारलाई दसैँअगावै यसअघि दिन बाँकीसहितको तलबभत्ता दिइने खुलासा गर्दै उहाँले तलबभत्ता उपलब्ध गराउन प्रक्रिया चालिएको तथा छापामार व्यवस्थापनका लागि आफ्नो संयोजकत्वमा समिति गठन भएको उल्लेख गर्नुभयो। http://www.weeklynepal.com/index.php?option=com_content&task=view&id=14094&Itemid=0 काठमाडौं। नेपाल सांगीतिक संघले कलाकारहरुलाई राज्यको पाँचौ अंगका रुपमा परिभाषित गर्न सरकारसँग माग गरेको छ। प्रधानमन्त्री पुष्पकमल दाहाल प्रचण्डसँग कलाकारहरुको टोलीले शनिबार बिहान भेटघाट गरेको हो। टोलीले सांगीतिक क्षेत्रमा प्रतिलिपि अधिकार ऐन लागू गर्न पनि सरकारसँग माग गरेको छ। भेटमा प्रधानमन्त्री दाहालले कलाकारहरुलाई उचित सम्मान दिन सरकार तयार रहेको बताउनुभएको छ। संघले बाढीपीडितको सहयोगका लागि एक लाख ११ हजार एक सय रुपैयाँ पनि प्रधानमन्त्री दैवी प्रकोप राहत उद्धार कोषमा जम्मा गर्न प्रधानमन्त्री दाहाललाई बुझाएको छ। http://www.weeklynepal.com/index.php?option=com_content&task=view&id=14081&Itemid=0 काठमाडौं। प्रधानमन्त्री पुष्पकमल दाहाल प्रचण्डले आफ्नो नेतृत्वको सरकार असफल भए मुलुक नै असफल हुने बताउनुभएको छ। सञ्चारकर्मीको समस्या समाधानका लागि आठ सूत्रीय माग लिएर आज बिहान प्रधानमन्त्री निवास बालुवाटार पुगेका पत्रकारहरुसँगको भेटमा उहाँले सरकारलाई असफल पार्न चाहनेहरुले मुलुकलाई नै असफल बनाउन खोजेको आरोप लगाउनुभयो। सरकार विघटन र गठनको खेल अब मुलुकले थेग्न नसक्ने भन्दै उहाँले सरकार विघटनको खेल खेल्न बानी परेकाहरुप्रति सचेत हुनुपर्ने पनि बताउनुभयो। सरकार असफल भए राष्ट्रले थेग्न नसक्ने गरी दुर्घटनामा पर्ने खतरा प्रधानमन्त्रीले औंल्याउनुभयो। राष्ट्र असफल बनाउन खोज्नेहरुको षड्यन्त्रबाट सचेत हुन आग्रह गर्दै उहाँले शान्ति प्रक्रिया सफल बनाउनेतर्फ अग्रगामी, लोकतान्त्रिक गणतन्त्रका पक्षधरबाट सहयोग रहने आशा व्यक्त गर्नुभयो। विगतका आग्रह पूर्वाग्रह बिर्सेर राष्ट्रभक्त, लोकतान्त्रिक गणतन्त्रका पक्षधरहरु नयाँ नेपाल निर्माणमा एकजुट हुनुपर्ने बताउनुभयो। नयाँ नेपाल निर्माणमा संचाकर्मीको उल्लेख्य भूमिका रहने भन्दै प्रेसबाट सहयोगको आशा व्यक्त गर्नुभयो। प्रधानमन्त्री कायाृलय सिंहदरबारदेखि प्रधानमन्त्री निवास बालुवाटारसम्म पत्रकारहरुले सही सूचना पाउन सकून भनेर मिडिया सेन्टर खोल्ने पहल शुरु भइसकेको उहाँले बताउनुभयो। उहाँले सरकार र प्रेसबीच समन्वयात्मक भूमिका हुनुपर्ने भएकाले सरकार पत्रकारहरुको सबै मागप्रति सचेत रहेको पनि बताउनुभयो। http://www.weeklynepal.com/index.php?option=com_content&task=view&id=14092&Itemid=0 काठमाडौँ। व्यवस्थापिका संसदका सभासदहरुले कोसीको तटबन्ध भत्किएर पीडित भएकाहरुलाई दिन लागेको राहत वितरण एकद्वार प्रणालीबाट दिन सरकारलाई सुझाव दिएका छन्। भारतको गैरजिम्मेवारी पनका कारण अहिलेको समस्या आएको भन्दै सभासदहरुले तटबन्ध भत्किनुको कारण समिति गठन गरी दोषीलाई कारबाही गर्न माग गरेका छन्। आजबाट सुरु भएको संविधानसभा संविधानसभा बैठकमा बोल्दै सभासदहरुले कोसी सम्झौता खारेज गरिनुपर्ने र पीडितलाई दातृनिकायले दिएको सहयोग व्यवस्थित गर्नुपर्ने बताए। बैठकको विशेष समयमा बोल्दै नेकपा माओवादीका सावित्रि काफ्लेले बाढीपीडितहरुलाई न्यायोचित ढंगले राहत वितरण गर्नुपर्ने र भारत सरकारले क्षतिपूर्ति दिनुपर्ने माग गर्नुभयो। नेपाली काग्रेसका सभासद डा. रामशरण महतले रक्षामन्त्री रामबहादुर थापा बादलले वैदेशिक सवालका कारण राष्ट्रपति रामवरण यादव चीन भ्रमणमा नगएको भनी दिएको अभिव्यक्तिबारे सदनमा स्पष्ट पार्नुपर्ने माग गर्नुभयो। बैठकमा सभासद पासाङ सेर्पाले व्यवस्थापिका बैठकमा लगाउने पोसाक तोकेर आदिवासी जनजातिको भेषभुषाको अवमूल्यन गरिएको बताउनुभयो। संविधानसभाको बैठक आगामी २५ गते ११ बजे बस्ने गरी आजका लागि स्थगित भएको छ। यसैबीच सरकारको नीति तथा कार्यक्रम आउँदो २५ गते सार्वजनिक हुने भएको छ। आजदेखि सुरु भएको व्यवस्थापिकाको चौथो अधिवेशनमा सभाध्यक्ष सुभाषचन्द्र नेम्वाङले २५ गते बिहान ११ बजे राष्ट्रपति डाक्टर रामवरण यादवले नीति तथा कार्यक्रम पेश गर्ने जानकारी दिनुभएको हो। सभाध्यक्ष नेम्वाङले कार्यक्रम प्रस्तुत हुने दिन ११ बजेभन्दा पहिले नै आएर आ–आफ्नो स्थानमा बस्न सभाषद्हरुलाई निर्देशन समेत दिनुभएको छ। http://www.weeklynepal.com/index.php?option=com_content&task=view&id=14091&Itemid=0 काठमाडौं। नेकपा एमाले केन्द्रीय समितिको बैठकले महासचिव झलनाथ खनालले प्रस्तुत गर्नुभएको राजनीतिक प्रतिवेदन परिमार्जनसहित पारित गरेको छ। चार दिनदेखि राजधानीमा जारी बैठकमा शुक्रबार केन्द्रीय सदस्यहरुले महासचिवको प्रतिवेदनमाथि उठाएको प्रश्नको जवाफ दिएपछि प्रतिवेदन पारित गरेको हो। पार्टी मुख्यालय बल्खुमा बसेको बैठकमा महासचिव खनालले केन्द्रीय सदस्यहरुले उठाएका जिज्ञासाको जवाफ दिनुभएको एमालेले जनाएको छ। प्रतिवेदन पारित भएपछि शनिबारबाट पार्टीको आठौं महाधिवेशन र पार्टीको आन्तरिक एजेन्डाहरुबारे छलफल अघि बढाइने एमाले नेता ईश्वर पोखरेलले जानकारी दिनुभयो। बिहीबारको बैठकमा महासचिव झलनाथ खनालले आफ्नो प्रतिवेदनमाथि केन्द्रीय सदस्यहरुले बोल्ने क्रम सकिएको रुलिङ गर्नुभएको थियो। प्रतिवेदनमाथि बोल्ने केन्द्रीय सदस्यहरुले माओवादीसँगको सहमति, सम्झौताका बारेमा बोल्दै पार्टीले बारम्बार ढुलमुले चरित्र देखाएको आरोप लगाएका थिए। यस्तै प्रतिवेदनको छलफलमा बोल्ने केन्द्र्रीय सदस्यहरुले प्रधान शत्रु किटान गर्न र माओवादीलाई हेर्ने दृष्टिकोणमा स्पष्ट हुन पनि माग गरेका छन्। बिहीबार बोल्दै केन्द्रीय सदस्यहरुले माओवादीसँग विभिन्न चरणमा भएका गोप्य वार्ताबारे केन्द्रीय समितिलाई जानकारी गराउन माग गरेका थिए। http://www.weeklynepal.com/index.php?option=com_content&task=view&id=14085&Itemid=0  काठमाडौ। नेकपा माओवादीले आगामी भदौ २९ गतेदेखि हुने प्रधानमन्त्री तथा पार्टी अध्यक्षको भारत भ्रमणलाई अनुमोदन गरेको छ। प्रधानमन्त्री निवास बालुवाटारमा शुक्रबार बसेको माओवादी केन्द्रीय समिति बैठकले प्रधानमन्त्री तथा पार्टी अध्यक्ष पुष्पकमल दाहाल प्रचण्डको भारत भ्रमणलाई अनुमोदन गरेको हो। बैठकले अरु दलहरुसित भएका सहमती र सम्झौतालाई विचार गर्दै सरकारको नीति तथा कार्यक्रम र बजेट जनमुखी बनाउने निर्णय भएको माओवादी नेता दिनानाथ शर्माले जानकारी दिनुभयो। पार्टीका अध्यक्षसहित वरिष्ठ नेताहरु सरकारमा सहभागी भएपछि पार्टी सञ्चालनको जिम्मेवारीका हेरफेर गर्ने विषयमा छलफल भए पनि कुनै निर्णय भने भएको छैन। बैठकमा सरकारमा सहभागी हुने राज्यमन्त्रीहरुको विषयमा पनि छलफल भएको थियो। http://www.weeklynepal.com/index.php?option=com_content&task=view&id=14080&Itemid=0 काठमाडौं। भौतिक योजना तथा निर्माणमन्त्री विजयकुमार गच्छेदारले यसै वर्षको चैत महिनाअगावै कोसीले भत्काएको तटबन्ध निर्माण भइसक्ने बताउनुभएको छ। रिपोर्टर्स क्लबले आज राजधानीमा आयोजना गरेको साक्षात्कार कार्यक्रममा मन्त्री गच्छेदारले यस्तो बताउनुभएको हो। कोसी तटबन्ध निर्माणका लागि सरकारले ७६ करोड रुपैयाँ विनियोजन भइसकेको भन्दै उहाँले आगामी चैतभित्र पुनर्निर्माण गरिसक्ने बताउनुभयो। कोसीको प्रभाव क्षेत्रको पुनर्निर्माणमा सरकारले कुनै कसर बाँकी नराख्ने भन्दै उहाँले प्रधानमन्त्रीको आसन्न भारत भ्रमण पनि कोसी बाँधको विषयले प्रमुखता पाउने बताउनुभयो। प्रधानमन्त्रीको भारत भ्रमणमा आफ्नो पनि सहभागिता रहने र कोसी बाँधको विषयमा सवशेष छलफल हुने उहाँले बताउनुभयो। कोसी उच्च बाँध नेपाल र भारत दुवैको उच्च प्राथमिकताको क्षेत्र भएकोले यस विषयमा दुई पक्षिय छलफल जारी रहेको उहाँले बताउनुभयो। कोसीले भत्काएको ३२ किलोमिटर क्षेत्रको पुनर्निर्माणको जिम्मेवारी भारतको भएको भन्दै उहाँले भारतले सो क्षेत्रको निर्माण गर्नेबारे छलफल अगाडि बढाइसकेको बताउनुभयो। सप्तकोसी नदीको तटबन्ध भत्किएर धेरै ठूलो नोक्सानी भएको उल्लेख गर्दै मन्त्री गच्छदारले बाढीका कारण अवरुद्ध हुन पुगेको यातायात सेवालाई सुचारु गर्न बेली ब्रिजको व्यवस्था गरी चार माहिनाभित्र यातायात सुचारु गरिने बताउनुभयो। मन्त्री गच्छदारले गणतन्त्रलाई संस्थागत गरी नयाँ संविधान निर्माण गर्नु र शान्ति प्रक्रियालाई तार्किक निष्कर्षमा पुर्‍याई देशमा दिगो शान्ति स्थापना गर्नु वर्तमान सरकारको दायित्व रहेको बताउनुभयो। वर्तमान सरकार तमाम नेपाली जनताको सरकार भएको चर्चा गर्दै मन्त्री गच्छदारले राष्ट्रिय दायित्व निर्वाह गर्दै समस्याको समाधान गरिने पनि बताउनुभयो। http://www.weeklynepal.com/index.php?option=com_content&task=view&id=14055&Itemid=0 काठमाडौं। व्यवस्थापिकाको हैसियतमा संविधानसभाको अधिवेशन आजबाट सुरु हुँदैछ। प्रधानमन्त्रीको सिफारिसमा राष्ट्रपति डाक्टर रामवरण यादवले आज दिउँसो ३ बजेका लगि अधिवेशन आह्वान गर्नुभएको हो। अधिवेशनका लागि राष्ट्रपति डाक्टर रामवरण यादव संविधानसभाको भवनमा जानुहुनेछ। तर संविधानसभामा राष्ट्रपति जाने कार्यक्रम भने संविधानसभाको आजको बैठकले तय गर्नेछ। यो अधिवेशनमा सरकारले आफ्नो नीति तथा कार्यक्रम तय गर्दैछ।  स्रोतका अनुसार, आगमी भदौ २४ गते सरकारले नीति तथा कार्यक्रम पेस गर्नेछ। यसै अधिवेशनमा आर्थिक वर्षको बजेटसमेत पेस गरिँदैछ। संविधानसभा नियमावली मस्यौदा तयार नभइसकेकोले संविधानसभाको बैठक भने अनिश्चितकालीन समयका लागि स्थगित भएको छ। नयाँ सरकार गठन भएकाले आजैबाट सत्तापक्ष र प्रतिपक्ष बस्ने अलग अलग स्थानको व्यवस्था गरिने भएको छ। आजको बैठकमा अधिवेशन आह्वान गरेको राष्ट्रपतिको पत्र पढेर सुनाउने र मन्त्रिपरिषद् गठनबारे सभासद्हरुलाई जानकारी गराउने कार्यक्रम तय भएको छ। सभासद्हरुले आजदेखि संविधानसभा सचिवालयले तोकेअनुसार, एकै प्रकारको पोसाक लगाउनेछन्। http://www.weeklynepal.com/index.php?option=com_content&task=view&id=14049&Itemid=0 काठमाडौं। प्रधानमन्त्री पुष्पकमल दाहाल प्रचण्डले शान्ति प्रक्रियालाई तार्किक निष्कर्षमा पुर्‍याउने, नयाँ संविधान निर्माणमा गर्ने र मुलुकलाई आर्थिक रुपमा सम्बृद्धि बनाउने संकल्पमा सरकार दृढ भएर लाग्ने बताउनुभएको छ। आज राजधानीमा नयाँ टेलिभिजन च्यानल एबीसी टेलिभिजनको उद्घाटन समारोहलाई सम्बोधन गर्दै प्रधानमन्त्री दाहालले सरकार जनताको भावनालाई प्रतिनिधित्व गर्ने गरी संविधान बनाउन प्रतिबद्ध रहेको बताउनुभयो। युद्धका क्रममा केही उतारचढाव भए पनि आफूले सञ्चार माध्यमलाई सधैं सम्मान गरिरहेको उहाँले उल्लेख गर्नुभयो। मुलुक परिवर्तनको संघारमा रहेको स्थितिमा सञ्चारमाध्यमको भूमिका परिवर्तनका लागि महत्वपूर्ण हुने भएकोले यतिबेला सञ्चारमाध्यमले अत्यन्त संवेदनशील भएर लाग्नुपर्ने बताउनुभयो। प्रधानमन्त्री दाहालले मिडियामा कहिलेकाहीँ अराजकता आउने त होइन भन्ने खतरा पनि देखिएकोले सञ्चारमाध्यम आलोचनात्मक हुँदाहुँदै पनि नेपाली जनताकेा चाहनालाई सर्वोपरी ठानेर अगाडि बढ्ने विश्वास व्यक्त गर्नुभयो। सञ्चारमाध्यमले बढी नकारात्मक बन्दा प्रतिगामी र नकारात्मक चाहने देशभित्र र बाहिरका तत्वलाई फाइदा पुग्ने बताउनुभयो। कार्यक्रममा उपप्रधान एवं गृहमन्त्री बामदेव गौतमले जनताको आकांक्षा नयाँ नेपाल निर्माण गर्नु भएकोले त्यो संकप्ल पूरा गर्न सरकार  प्रतिबद्ध रहेकोले त्यसमा सञ्चारमाध्यम पनि लाग्नुपर्ने बताउनुभयो। नयाँ नेपाल निर्माण गर्न जस्तोसुकै अवरोध आए पनि सरकार त्यसको सामना गरेर अघि बढ्न सक्षम रहेको उहाँले बताउनुभयो। मुलुकमा बढ्दै गएको अराजकताको स्थितिले गर्दा मुलुकमा निराशा छाएको उल्लेख गर्दै गृहमन्त्री गौतमले त्यसो निराशा अब छिट्टै समाप्त हुने बताउनुभयो। संवेदनशील अवस्थामा आफूले गृहमन्त्रीको जिम्मेवारी सम्हालेकोले त्यसलाई पूरा गरेर शान्ति सुरक्षा कायम गर्न आफू हरदम लागिरहने उहाँले बताउनुभयो। कार्यक्रममा सञ्चारमन्त्री कृष्णबहादुर महराले सरकार सञ्चारमाध्यमहरुसँग सहकार्य गरेर अघि बढ्ने बताउनुभयो।  यसैबीच, प्रधानमन्त्री पुष्पकमल दाहाल प्रचण्डसँग नेपालका लागि भारतीय राजदूत राकेश सुदले भेटवार्ता गर्नुभएको छ। प्रधानमन्त्री निवास बालुवाटारमा आज बिहान भएको भेटवार्तामा प्रधानमन्त्रीको आसन्न भारत भ्रमणका विषयमा कुराकानी भएको छ। केही दिनअघिमात्रै भारतबाट फर्कनुभएका भारतीय राजदूत सुदले केही भारतीय प्रधानमन्त्री डाक्टर मनमोहन सिंहले पठाएको सन्देश प्रधानमन्त्री प्रचण्डलाई सुनाउनुभएको स्रोतले बताएको छ। भेटवार्तामा भद्धारतीय रेलमन्त्री लालुप्रसाद यादवले गर्ने भनिएको नेपाल भ्रमण र कोसी कटानल्के नेपाल तथा भारतमा परेको असरका बारेमा पनि छलफल भएको स्रोतले बताएको छ। http://www.weeklynepal.com/index.php?option=com_content&task=view&id=14051&Itemid=0 काठमाडौं। पर्यटन तथा नागरिक उड्ययन मन्त्री हिसीला यमी र भूमि्सुधार तथा व्यवस्था मन्त्री मातृका यादवले विहिबार पद तथा गोपनियताको शपथ लिनुभएको छ। माओवादीबाट सरकारमा छानिनुभएका मन्त्रीद्वय यमी र यादवलाई प्रधानमन्त्री पुष्पकमल दाहालले राष्ट्रपति डा. रामवरण यादवको उपस्थितीमा राष्ट्रपति भवन शीतलनिवासमा शपथ ग्रहण गराउनुभएको हो। यसअघि मन्त्रीद्वय आइतवार विस्तार गरिएको मन्त्रीमण्डलको सपथ ग्रहणमा उपस्थित हुन असमर्थ हुनुभएकोले आज सपथ ग्रहण गराईएको हो। उहाँहरुले आजै आफ्नो पदभार सम्हाल्नुभएको छ। http://www.weeklynepal.com/index.php?option=com_content&task=view&id=14048&Itemid=0 काठमाडौं। सरकारले कोसीको बाँध भत्केर पसेको बाढीको डुबानबाट प्रभावित पाँच गाविसलाई संकटग्रस्त क्षेत्र घोषणा गरेको छ। प्रधानमन्त्री तथा मन्त्रिपरिषद्को कार्यालय सिंहदरबारमा विहिबार विहान बसेको मन्त्री परिषदको बैठकले कोसी प्रभावित सुनसरीको चार गाविस र सप्तरीको एक गाविसलाई १० महिनाका लागि संकटग्रस्त क्षेत्र घोषणा गरेको हो। बैठकले पीडितलाई राहत कार्यक्रम, विस्थापितको जीवनयापन र क्षति पुगेको संरचनाको पुनर्निर्माणलगायतका काममा सहज वातावरण बनाउन सरकारले गृहमन्त्रीको संयोजकत्वमा तीन सदस्यीय उच्चस्तरीय समितिसमेत निर्माण गरेको छ। समितिमा रक्षा र भौतिक योजना मन्त्री सदस्य रहने व्यवस्था बैठकले गरेको छ। दैवीप्रकोप उद्धार ऐन २०३९ मा दैवीप्रकोपबाट असर परेका क्षेत्रलाई सिमाना तोकी निश्चित समयका लागि संकटग्रस्त क्षेत्र घोषणा गर्न सकिने व्यवस्था छ। मन्त्रिपरिषद्को आजको बैठकले कोसीपीडितको थप अवस्थाबारे बुझ्न समितिलाई तुरुन्त प्रभावित क्षेत्रमा पठाउने निर्णय गरेको छ।    मन्त्रिपरिषद्को आजको बैठकमा प्रहरी महानिरीक्षकलगायत उच्च प्रहरी अधिकारीहरुको म्याद थप गर्ने वा नगर्ने भन्ने विषयमा पनि छलफल हुने सरकारका एक मन्त्रीले बताए। आगामी असोज १ गते नेपाल प्रहरीका महानिरीक्षक ओमविक्रम राणासहित ११ उच्च अधिकृतको समयावधि सकिँदैछ। यसैगरी, लामो समययता प्रभावित पेट्रोलियम पदार्थको आपूर्ति सह जगर्नेबारे आजको बैठकमा आफूले प्रस्ताव लैजाने आपूर्तिमन्त्री राजेन्द्र महतोले बताउनुभयो। यस्तै सरकारले आगामी साता ल्याउन लागेको आर्थिक वर्षको बजेट र सरकारको नीति तथा कार्यक्रम लगायतमा पनि आजको बैठकमा छलफल हुनेछ। http://www.weeklynepal.com/index.php?option=com_content&task=view&id=14046&Itemid=0 काठमाडौं। निर्वाचन आयोगको टोलीले प्रधानमन्त्री पुष्पकमल दाहाल प्रचण्डलाई भेटेर छ निर्वाचन क्षेत्रमा गराउनुपर्ने उप–निर्वाचन, सरकार गठनपछि निर्वाचन आयोगले खेल्नुपर्ने भूमिका आदिका विषयमा छलफल गरेको छ। प्रधानमन्त्री तथा मन्त्री परिषद्को कार्यालय सिंहदरबारमा भएको छलफलमा आयोगका कर्मचारीले उप–निर्वाचनको मिति तोक्नुअघि आयोगसँग परामर्श लिन प्रधानमन्त्री लाई आग्रह गरेको छ। संविधान सभाको निर्वाचनका दौरानमा आयोगले खेलेको भूमिकाको प्रधानमन्त्रीले प्रशंसा समेत गर्नुभएको छ। उक्त भेटघाटमा प्रमुख निर्वाचन आयुक्त भोजराज पोख्रेल पनि उपस्थित हुनुभएको थियो। http://www.weeklynepal.com/index.php?option=com_content&task=view&id=14045&Itemid=0 कोसीब्यारेज। कृषि तथा सहकारीमन्त्री जयप्रकाशप्रसाद गुप्ताले आम जनताको सुविधाका लागि सुनसरीको भन्टाबारीदेखि लौकहीसम्म आवतजावतका लागि निःशुल्क मोटरबोट सञ्चालन गरिने बताउनुभएको छ। सुनसरीको पश्चिम कुसहास्थित कटानक्षेत्रको निरीक्षणपश्चात कोसी व्यारेजमा सञ्चारकर्मीहरुसँग कुरा गर्दै मन्त्री गुप्ताले पाँच दिनभित्रै मोटर बोट तथा र्‍याफि्टङ बोट सञ्चालन गरिने जानकारी दिनुभयो। बाँध नबनेसम्म पूर्व–पश्चिम राजमार्ग सञ्चालन हुन नसक्ने बताउँदै मन्त्री गुप्ताले काठमाडौा–राजविराज–विराटनगर विमान सेवा सञ्चालनको प्रक्रिया सुरु भइसकेको बताउनुभयो। पूर्वमा सामान ढुवानीका लागि चतरामा मोटरफेरी चलाइने र सोको लागि एक महिना लाग्ने प्राविधिकहरुले बताएको पनि उहाँले जानकारी दिनुभयो। भारतीय बाटो प्रयोग गरी बिना रोकटोक सवारी साधन आवतजावत गराउने विषयमा भारत सरकारसँग छलफल भई यस विषयमा भारत सहमत भइसकेको उहाँले बताउनुभयो। बाढीले भारतमा पनि अत्यधिक क्षति भएको र विराटनगर पुग्न भारतको फारविसगञ्जमा समेत बाटो बिगारेकोले यातायात सञ्चालनमा कठिनाइ भएको मन्त्री गुप्ताले बताउनुभयो। मन्त्री गुप्ताले कटान क्षेत्रमा भइरहेको कामका बारेमा ठेकेदार कम्पनी हिन्दूस्तान सिल्भर वर्कस लिमिटेड र भारतीय सरकारका प्राविधिकहरुसँग जानकारी लिनुभयो। मन्त्री गुप्तालाई विस्थापितहरुको अवस्था, राहत वितरण प्रक्रिया तथा शिविर व्यवस्थापनका बारेमा प्रमुख जिल्ला अधिकारी जिवछ मिश्रले जानकारी गराउनुभएको थियो।  यसैगरी मन्त्री गुप्ताले सप्तरीको तोपास्थित खाडो नदीले कटान थालेको स्थानको पनि निरीक्षण गर्नुभयो। http://www.weeklynepal.com/index.php?option=com_content&task=view&id=14044&Itemid=0 काठमाडौं। पूर्व प्रधानमन्त्री तथा कांग्रेस सभापति गिरिजाप्रसाद कोइरालाले सहमति र सहकार्य टुट्दा नयाँ संविधान निर्माणमा असर पर्ने बताउनुभएको छ। आफू सधैं सहमति र सहकार्यको पक्षमा रहेको स्मरण गराउँदै पूर्व प्रधानमन्त्री कोइरालाले भन्नुभयो, नेकपा माओवादी र अन्य दलले त्यसको बेवास्ता गरेकै कारण सहमति र सहकार्य टुट्न पुगेको छ। सहमति र सहकार्यबाट अघि बढेमा मात्र नयाँ संविधान निर्माणको कार्यमा सहजता हुने उहाँले दोहोर्‍याउनुभयो। लोकतान्त्रिक वैदेसिक रोजगार फोरमले संकलन गरेको राहत सामग्री बेझेपछि सञ्चारकर्मीलाई संक्षिप्त प्रतिक्रया दिँदै सभापति कोइरालाले आफू सरकारमा जानु नजानुमा भन्दा पनि नयाँ संविधान समयमै नबन्ला कि भन्नेमा चिन्तित रहेको बताउनुभयो। पूर्व प्रधानमन्त्री कोइरालाले सरकार र प्रधानमन्त्री नियमित प्रक्रिया भएकाले को प्रधानमन्त्री भयो भएन भन्ने बारेमा कुनै टिप्पणी नरहेको बताउनुभयो। केन्द्रीय समितिको बैठक चलिरहेकोले संविधान निर्माणका बारेमा बैठकबाट पार्टीको आधिकारिक धारणा सार्वजनिक हुने पनि उहाँले बताउनुभयो। कांग्रेस सभापति कोइरालाले केन्द्रीय समितिले गरेको निर्णयलाई आफूले आत्मसात गर्दै पार्टीलाई अब नयाँ ढंगले अगाडि बढाएर लैजाने दृढतासमेत व्यक्त गर्नुभयो। http://www.weeklynepal.com/index.php?option=com_content&task=view&id=14043&Itemid=0 काठमाडौं। नेकपा माओवादीको जनमुक्ति सेनाका डेपुटी कमाण्डर नन्दकुमार पुन पासाङले जनमुक्ति सेना र नेपाली सेनाको समायोजन गरी राष्ट्रिय सेना बनाउन अवरोध खडा गरिए द्वन्द्व निम्तने बताएका छन्। रिपोर्टर्स क्लब नेपालको साक्षात्कारमा बोल्दै उनले शान्ति प्रक्रियालाई तार्किक निष्कर्षमा पुर्‍याउनका लागि दुवै सेनाको एकीकरण अनिवार्य भएको बताए। 'जनमुक्ति सेनालाई नेपाली सेनामा समायोजन गर्नुहुन्न भन्नेहरु द्वन्द्व निम्त्याउन चाहन्छन्,' पासाङले भने, 'दुई सेनाबीच एकीकरण गरेर राष्ट्रिय सेना नबनाए द्वन्द्व निम्तन्छ, शान्ति प्रक्रिया निष्कर्षमा पुग्दैन।' उनले तीन महिनाभित्र सेना समायोजनको प्रक्रिया शुरु हुने र छ महिनाभित्र समायोजन गरेर देखाउने बताए। सेनाको पुर्नसंरचना गर्नुपर्ने आवश्यकता औल्याउदै राष्ट्रिय सुरक्षानीतिबाट आधार तयार गर्ने बताए। समग्र सुरक्षा संयन्त्रबीच सहकार्यको अवस्था सृजना गर्ने उनको भनाई थियो। सेनाको संख्या घटनाउनुपर्नेमा उनको जोड थियो। देशमा ५० हजार सेना भए पुग्ने बताए। पासाङले प्रधानसेनापति रुक्माङ्गत कटवाललाई आफ्नो पार्टीले कारबाही गर्ने कुनै सोच नबनाएको बताए। कटवालले राजनीति गरिरहेकोमा भने उनले आपत्ती जनाए। 'प्रधानसेनापति परिवर्तन  गर्ने पक्षमा छैनौं,' उनले भने, 'विवादास्पद राजनीतिक भाषण गर्ने परम्परा सच्याउन नेपाली सेनाका प्रधानसेनापतिलाई आग्रह गर्छु।' जनमुक्ति सेनालाई समयमै रकम निकासा नगरेर नेपाली कांग्रेसको नेतृत्वको सरकारले दुःख दिएको बताए। आफूहरुले १७ महिनासम्म रकम नपाएको स्मरण गराउदै भने, 'कांग्रेस सेना समायोजनलाई विवादमा पारेर अझै दुःख दिने मनशायमा देखिन्छ।' सेना समयोजनको विकल्प नभएको बुझ्दा बुझ्दै विवाद खडा गर्नु द्वन्द्व निम्त्याउनु सरह हुने बताए। नेपाली कांग्रेसका केन्द्रीय सदस्य डा.रामशरण महतले माओवादीका जनसेनालाई नेपाली सेनालाई कुनै हालतमा समायोजन गर्न नहुने बताए। उनले भने, 'राजनीतिक दलको लडाकुलाई राष्ट्रिय सेनामा समायोजन गरिनुहुन्न।' सेनाको मूल्य र मान्यतालाई चुनौती दिएर समायोजनका नामा माओवादी लडाकुलाई सेनाभित्र लान खोजिए कडा कदम चाल्ने बताए। सेनामा राजनीतिक हस्तक्षेप सह्य नहुने बताए। माओवादीले सरकारको नेतृत्व गरेलगत्तै कानुन, न्याय तथा संसदीय व्यवस्था मन्त्रालयमा संसदीय व्यवस्था नाम हटाएकोमा आपत्ती जनाए। उनले भने, 'माओवादीले संसदीय व्यवस्थामाथि आफ्नो अविश्वास प्रकट गरेपनि एमाले र मधेशी जनअधिकार फोरम किन चुप लाग्यो?' संसदीय व्यवस्था मन्त्रालय तत्काल उल्लेख गर्न आग्रह गरे। नेपाली सेनाका पूर्व रथी सीबी गुरुङले सेना समायोजन संवेदनशील र अत्यन्त जटिल प्रक्रिया भएकाले वृहत छलफल र बहसबाट मात्र काम अगाडि बढाउनुपर्ने बताए। समायोजन गर्दा नेपाली सेनाको मापदण्ड, नियमलाई विशेष ध्यान दिनुपर्ने बताए।  छ महिनाभित्र सेना समायोजन हुनेमा आफूलाई विश्वास नलागेको बताए।   नेपाली सेनाका पूर्व सहायकरथी एवं सभासद गोपालसिंह बोहराले राष्ट्रिय सुरक्षा नीति बनाएपछि मात्र  सेना समायोजन प्रक्रिया अगाडि बढाउनुपर्ने बताए। माओवादीका जनसेनालाई नेपाली सेनामा प्रवेश गराउनेभन्दा अन्यत्र आकर्षित गर्नुपर्नेमा जोड दिए।   सैन्यविद एवं सभासद डा.इन्द्रजीत राईले नेपाली सेना र जनमुक्ति सेनाको सम्मानजनक समायोजन हुनुपर्ने बताए। सेनाको गुणस्तर नबिग्रने गरी समायोजन अगाडि बढाउनुपर्ने बताए।   सुरक्षासम्बन्धमा विद्यावारिधि गरिरहेका दीपक भट्टले राष्ट्रिय सुरक्षा नीतिको टुंगो लगाएपछि मात्र सेना समायोजन प्रक्रिया अगाडि बढाउन जोड दिए। http://www.weeklynepal.com/index.php?option=com_content&task=view&id=14041&Itemid=0 काठमाडौं। पूर्व उपसभामुख तथा पूर्व उद्योग वाणिज्यमन्त्री राविलास यादवको गएराति हृदयाघातबाट मृत्यु भएको छ। ललितपुरस्थित डेरामा हिजो बेलुका स्वस्थ रुपमा सुत्नुभएका यादव बिहान अबेरसम्म नउठेपछि उहाँलाई तत्काल बीएन्डबी अस्पताल लगिएको थियो।  अस्पताल पुर्‍याउने बित्तिकै चिकित्सकले उहाँलाई मृत घोषणा गरेका थिए।  ५५ वर्षीय नेता यादव राष्ट्रिय प्रजातन्त्र पार्टीका केन्द्रीय सदस्यसमेत हुनुहुन्थ्यो। उहाँ २०५२ सालमा सभामुख हुनुहुन्थ्यो भने त्यसपछि मन्त्री बन्नुभएको थियो।  नेता यादवको शवलाई अन्तिम श्रद्धाञ्जलीका लागि राप्रपा केन्द्रीय कार्यालयमा बिहान ११ बजेपछि राखिनेछ।  उहाँको अन्त्यष्टि गृहजिल्ला महोत्तरीको जलेश्वर नै लगिने उहाँको परिवारले जानकारी दिएका छन्। http://www.weeklynepal.com/index.php?option=com_content&task=view&id=14039&Itemid=0 काठमाडौं। नेकपा एमाले केन्द्रीय कमिटीको बैठक आज पनि राजधानीमा जारी रहने भएको छ।  पार्टी केन्द्रीय कार्यालयमा बस्ने आजको बैठकमा महासचिव झलनाथ खनालले प्रस्तुत गर्नूभएको ३१ पृष्ठ लामो प्रतिवेदनमाथि दफाबार छलफल हुँदैछ।महासचिवको प्रतिवेदनमा पार्टीको भावी रणनीति, मंसिरमा हुने भनिएको पार्टीको महाधिवेशनको तिथिमिति, पार्टीभित्र जारी अनुशासन विवादलगायतका विषय समेटिएको छ।  छलफलको विधि तथा प्राथमिकताको विषयमा हिजोको बैठकमा सहमति भएकोले आजबाट प्रतिवेदनमाथि दफाबार छलफल हुने स्थायी समिति सदस्य अमृतकुमार बोहराले बताउनुभयो।यसअघि हिजो बोल्ने अधिकांश केन्द्रीय कमिटीको निर्णयलाई बेवास्ता गर्दै स्थायी समितिले निर्णय गरेको तथा नेतृत्व पंक्तिले अनुशासनविपरीत अभिव्यक्ति दिने गरेको भन्दै आलोचना गरेका थिए।  त्यस्तैझन्डै डेढ सातादेखि जारी नेपाली कांग्रेसको केन्द्रीय कार्यसमितिको बैठक आज पनि जारी रहने भएको छ।दिउँसो पार्टी मुख्यालय सानेपामा बस्ने बैठकमा आज पदाधिकारीले बोल्ने क्रम रहेको छ। केन्द्रीय सदस्य तथा पदाधिकारीले बोल्ने क्रम नसकिएकाले गत ९ गतेबाट सुरु भएको कांग्रेस केन्द्रीय बैठक लम्बिएको हो।यसैबीच, आजसम्मका बैठकमा उठेका विषयवस्तुका बारेमा जानकारी दिन पार्टी महामन्त्री विमलेन्द्र निधीले आज बिहान पार्टी सभापति गिरिजाप्रसाद कोइरालासँग भेटवार्ता गर्नूभएको छ। सभापति कोइरालाको निवास महाराजगन्जमा भएको कुराकानीमा महामन्त्री निधीले केन्द्रीय सदस्यहरुले उठाएका मुद्दाका विषयमा जानकारी गराउनुभएको छ। बैठकले केन्द्रीय कार्यसमितिको बैठकमा उठेका विषयलाई व्वयस्थित बनाइ तिनलाई प्र्रस्तावका रुपमा पेस गरिने कांग्रेस प्रवक्ता अर्जुननरसिंह केसीले जानकारी दिनुभयो। http://www.weeklynepal.com/index.php?option=com_content&task=view&id=14038&Itemid=0 काठमाडौं। गएराति पोखरामा दुई जनाको मृत्यू भएको छ भने दुई जना घाइते भएका छन्।  मृतक पोखरा उपमहानगरपालिका वडा नं १७ घारीपाटनका सागर लामा रहेका छन् भने अर्का एकको सनाखत हुन सकेको छैन। पृथ्वीचोकबाट मुस्ताङचोकतर्फ जादै गरेको ग.३.प ३७६ नम्वरको मोटरसाइकललाई ग.२ च २१०२  नम्वरको दुध बोक्ने गाडीले ठक्करदिदाँ मोटरसाइकल चालक थापाको मृत्यू भएको हो।  घटनामा परी मोटरसाइकलमा सवार अनुप शाही र राजन शाही घाइते भएका छन्। घाइतेमध्ये अनुपको फेवासिटी र राजनको चरक अस्पतालमा उपचार भै रहेको प्रहरीले जनाएको छ।   त्यसैगरी, गएराति पोखरास्थित निरमाया दोहोरी साँझमा बेहोश भएका अर्का एक जनालाई उपचारार्थ पश्चिमाञ्चल क्षेत्रीय अस्पतालमा लैजादैगर्दा बाटोमा नै मृत्यू भएको प्रहरीले जनाएको छ।  मृतकको सनाखत भने हुन सकेको छैन।  त्यस्तै,जङ्गली हातिको आक्रमणबाट गए राती बारा जिल्लाको सिमरा औराह गाविस वडा नम्बर ६ निवासी ४५ वर्षिय चन्द्र बहादुर खनालको मृत्यु भएको छ। पर्सा वन्यजन्तु आरक्षबाट ५–६ वटाको समुहमा आएका जंगली हात्तीले घरमा सुतिरहेका खनाललाई आक्रमण गरेपछि निजको घटना स्थलमा नै मृत्यु भएको इलाका प्रहरी कार्यालय सिमराले जनाएको छ।  विगत केहि समय यता बारा र पर्सा जिल्लाका ग्रामिण क्षेत्रहरुमा जंगली हात्तीहरुको आतंक मच्चिएको छ। समसांझै आरक्षबाट ग्रामिण इलाकाहरुमा प्रवेश गर्ने हात्तीले धानवाली लगायत मकैखेती, तरकारीबाली र फलफूल खेतीमा ठूलो नोक्सानी पुर्‍याएको स्थानिय पिडित कृषकहरुले बताएका छन्। http://www.weeklynepal.com/index.php?option=com_content&task=view&id=14002&Itemid=0 काठमाडौं। संस्कृति तथा राज्यपुनर्संरचनामन्त्री गोपाल किराँतीले सरकारले आठ सय जिल्ला बनाउने गरी संविधानसभामा प्रस्ताव लाने बताउनुभएको छ। रिपोर्टर्स क्लबले मङ्गलबार राजधानीमा आयोजना गरेको साक्षात्कार कार्यक्रममा बोल्दै मन्त्री किराँतीले गाउँ विकास समितीहरु नहरने गरी प्रस्ताव लाने बताउनुभयो। हाल रहेका गाविसमध्ये तीन देखि १५ गाविस बराबर एक जिल्ला बनाउने गरी मस्यौदा तयार भएको भन्दै उहाँले जनसँख्या, भूगोल, जाति, भाषा, समुदाय, आर्थिक अवस्थालाई आधार मानेर जिल्ला बनाइने बताउनुभयो। मन्त्री किराँतीले राज्य पुनसंरचनासम्बन्धि प्रस्तावबारे तल्लो तहसम्म बहस चलाइने जानकारी दिनुभयो । नेपाली कँंग्रेसका प्रवक्ता तथा सहमहामन्त्री अर्जुननरसिंह केसीले राज्य पुर्नसंरचनाका नाममा आठ सय जिल्ला बनाउने प्रस्ताव अस्वीकार्य हुने बताउनुभयो। राज्य पुर्नसंरचनाका लागि आम सहमती आवश्यक भएको भन्दै उहाँले आठ सय जिल्ला बनाउने विषय व्यावहारिक नहुने बताउनुभयो। काँग्रेस ९ देखि १३ स्वायत्त प्रदेश बनाउनुपर्ने पक्षमा रहेको उहाँले बताउनुभयो। संसदीय व्यवस्था मन्त्रालयको अस्तित्व समाप्त पारेर माओवादीले संसदीय व्यवस्थामाथि घृणा पोखेको नेता केसीको टिप्पणी थियो। नेकपा एमालेका केन्द्रीय सदस्य प्रदीप ज्ञवालीले हचुवाको भरमा आठ सय जिल्लाको प्रस्ताव ल्याउन खोजिएको भन्दै आर्थिक र सामाजिक विषयहरुको छलफल र बहसपछि मात्र जिल्लाहरुको सँख्याबारे ध्यान दिनुपर्ने बताउनुभयो। http://www.weeklynepal.com/index.php?option=com_content&task=view&id=14001&Itemid=0 काठमाडौं। महाधिवेशन तयारीका लागि सत्तारुढ नेकपा एमालेको बीसौं पूर्णकालीन केन्द्रीय समितिको बैठक मङ्गलबारबाट राजधानीमा सुरु भएको छ। पार्टी केन्द्रीय कार्यालय बल्खुमा जारी बैठकले दुई केन्द्रीय कमिटीको बैठक अवधिमा स्थायी समितिले गरेका विभिन्न निर्णयलाई अनुमोदन गरेको नेता अमृतकुमार बोहराले जानकारी दिनुभएको छ। पार्टी गतिविधिको समीक्षा तथा सङ्गठनात्मक संरचनाका बारेमा बैठकमा छलफल हुने एमाले नेता बोहराले जानकारी दिनुभयो।  बैठकमा हालसम्मका कामकारबाहीको समीक्षा, आगामी कार्यदिशा, महाधिवेशनको तयारी, कार्यविभाजन लगायतका प्रस्ताव पेस हुने प्रचार विभाग प्रमुख ईश्वर पोखरेलले बताउनु भयो। एमाले महासचिव झलनाथ खनालले राजनीतिक तथा साङ्गठनिक प्रतिवेदन प्रस्तुत गर्दै अग्रगमनका लागि माओवादीसँग सहकार्य जरुरी रहेको निष्कर्ष निकालिएको बताउनुभएको छ। प्रतिवेदनमा माओवादीको अतीवादी विचार र आतङ्कवादी धङधङीको खण्डन गर्दै सहकार्य जारी राख्नुपर्नेमा जोड दिइएको छ। राजतन्त्रको अन्त्यपछि अन्तरविरोधी शक्ति फेरिएको भन्दै महासचिवको प्रतिवेदनमा अब सामन्तवादका अवशेषविरुद्ध प्रहार केन्द्रीत गर्नुपर्ने उल्लेख छ। http://www.weeklynepal.com/index.php?option=com_content&task=view&id=14000&Itemid=0 काठमाडौं। सरकारका एक वरिष्ठ मन्त्रीले विस्तारित मन्त्रिपरिषद्प्रति असन्तुष्टि व्यक्त गरेका छन्। अर्थमन्त्री डाक्टर बाबुराम भट्टराईले अहिले बनेको सरकार खिचडीजस्तो भएकोले माओवादीले सोचेको जस्तो सबै काम पूरा नहुने बताउनुभयो। अस्तिदेखि राजधानीमा जारी आर्थिक सम्मेलनमा बोल्दै मन्त्री डाक्टर भट्टराईले विभिन्न पार्टी सम्मिलित सरकार भएकाले माअेावादीले चाहेको जस्तोमात्र काम हुनेमा आशंका पनि व्यक्त गर्नुभयो। आर्थिक विकासका लगि कृषि क्षेत्रमा जोड दिनुपर्ने बताउँदै आगामी बजेटमा कृषि क्षेत्रको विकासलाई प्राथमिकतामा राख्ने बताउनुभएको छ। कृषिका साथै जलस्रोत, पर्यटन र वैदेशिक क्षेत्रको विकास गर्न सके पनि आर्थिक वृद्धि हुनसक्ने उहाँले बताउनुभयो। परम्परागत सोचले आर्थिक विकास हुन नसक्ने भन्दै उहाँले आर्थिक क्रान्तिका लागि पुराना सोच बदलेर अघि बढ्नुपर्ने बताउनुभयो। आगामी बजेटमा नेपालको आर्थिक सुधार र नेपालीको आय बढाउने खालका कार्यक्रम समेट्ने पनि उहाँले बताउनुभयो। नेपालीको मासिक आम्दानी १२ हजार पुर्‍याउने परिकल्पनाका साथ राजधानीमा भइरहेको आर्थिक सम्मेलन आज सकिँदैछ। http://www.weeklynepal.com/index.php?option=com_content&task=view&id=13999&Itemid=0  काठमाडौं। सप्तकोसीको तटबन्ध कटानको वास्तविक कारणबारे छानबिन गर्न सरकारले उच्चस्तरीय राजनीतिक समिति गठन गर्ने भएको छ। प्रधानमन्त्री पुष्पकमल दाहालले सप्तकोसीको कटान, डुबानपीडितलाई राहत, सुनसरी खण्डमा अवरुद्ध पूर्वपश्चिम राजमार्गको वैकल्पिक उपायलगायतका विषयमा आज मन्त्री तथा सुरक्षा अंगका प्रमुखहरुसँग छलफल गर्दै समिति निर्माण गरिने जानकारी दिनुभएको हो। सप्तकोसी बाँधको कटान, त्यसको पुनर्निर्माण र पीडितहरुको उद्धार व्यवस्थापनका विषयमा उहाँले गृहमन्त्री, अर्थमन्त्री, राजनीतिक दलका प्रतिनिधि, गृह मन्त्रालयका अधिकारी, सुरक्षा निकायका प्रमुखहरुको राय लिनुभएको छ। गृहमन्त्रालयको सहसचिव प्रतापकुमार पाठकको संयोजकत्वमा बनेको समितिले आज बिहान प्रधानमन्त्री दाहाललाई भेटी अहिलेसम्मको कामका बारेमा जानकारी गराएको छ। बाढीले भत्काएको राजमार्ग निर्माण नभएसम्मका लागि ओहोर दोहोर गर्न वैकल्पिक बाटोको निर्माण गर्न, कोसी कटान रोक्न गर्नुपर्ने काम, पुनर्स्थापनालगतयका बारेमा समितिले प्रधानमन्त्रीलाई सुझाव दिएको छ। कोसी बाढीपीडितको वैकल्पिक पुनर्स्थापनामा समितिले पाँच दिनअघिदेखि अध्ययन थालेको थियो। यसैबीच, नवनियुक्त गृहमन्त्री बामदेव गौतम बाढीपीडितको अवस्था बुझ्न अहिले केहीबेरमा सुनसरी जाँदै हुनुहुन्छ। गृहमन्त्रीका साथमा गृहसचिव, जनपद र सशस्त्र प्रहरी प्रमुख पनि साथमा हुनुहुन्छ। http://www.weeklynepal.com/index.php?option=com_content&task=view&id=13998&Itemid=0 थाइलान्डका प्रधानमन्त्री सामाक सुन्दराभेजले राजधानी सहर बैंककमा संकटकाल घोषणा गर्नुभएको छ। सरकारका समर्थक र विरोधीबीच गएराति भएको झडपका क्रममा एकजनाको मृत्यु भएपछि संकटकालको घोषणा गरिएको हो। सामाकले आज बिहान टेलिभिजनमार्फत संकटकाल घोषणा गर्दै उत्पन्न तनावलाई नियन्त्रणमा लिन अन्य कुनै विकल्प नभएको बताउनुभएको छ। संकटकाल लागू गरिएपछि पाँचजनाभन्दा बढी मानिसहरुलाई एकै ठाउँमा भेला हुने निषेध गरिएको छ। पिपुल्स एलाइन्स फर डेमोक्र्याटिकले प्रधानमन्त्री सुन्दराभेजको राजीनामाको माग गर्दै आन्दोलन गर्दै आएको छ। http://www.weeklynepal.com/index.php?option=com_content&task=view&id=13958&Itemid=0 काठमाडौं। आफ्ना श्रीमान्को लामो आयु तथा सुस्वास्थ्यको कामना गर्दै हिन्दुनारी आज शिवको पूजाअचर्नासहित हरितालिका तीजको व्रत बस्दैछन्। परापूर्वकालदेखि आफ्नो सम्पूर्ण आस्था र विश्वासका साथ हिन्दुनारी निराहार र निर्जल बसी आजको दिन शिव मन्दिरमा गई पूजाअर्चना गर्नाका साथै उन्मुक्त भई बिहानैदेखि नाचगानसमेत गरिरहेका छन्। भाद्र शुक्ल द्वितीयाका दिन हिजो राति दर खाई आज तृतीयाका दिनदेखि सुरु हुने तीजपर्व पञ्चमीको दिन सप्तर्षिको पूजा गरेपछि सम्पन्न हुन्छ। दिनभरि पानी पनि नखाई निर्जल वा निराहार बस्ने व्रत भएकाले एक दिनअघि नाची–गाई रमाइलो गरी दरका रूपमा मीठामीठा परिकार खाने चलन पनि तीजको अङ्गसरह भएको छ। दर खान विशेषगरी माइतीले छोरीचेलीलाई बोलाउने र विवाहित महिलाले आफ्नो अटल सौभाग्यका लागि छोरीचेलीलाई चुरापोते प्रदान गर्नेजस्ता चलन पनि यस पर्वमा पाइन्छ। हिन्दु महिलाको महान् धार्मिक पर्वका रूपमा लिइने तीजको व्रतमा पतिको लामो आयुको कामना गरी निराहार व्रत बसेर रातभरि आफ्नो अटल सौभाग्यको प्रतीकस्वरूप दियो, कलश स्थापना गरी भोलिपल्ट गोदान र पूर्णपात्र गरेर व्रत तोड्ने परम्परा छ। नारी स्वतन्त्रताको प्रतीकको रूपमा रहेको यस पर्वमा सौभाग्यका प्रतीक रातो सारी, चुरा, पोते र गरगहनामा सजिएका महिलाको काठमाडौँको पशुपतिलगायत देशका अन्य शिव मन्दिरमा आज बिहानैदेखि घुइँचो लागेको छ। धार्मिकस्थलमा महिलाको सौभाग्यका सामग्रीको किनबेच गर्नेको पनि घुइँचो लागेको छ। हिमालय पर्वतकी पुत्री पार्वतीले बालककालदेखि “महादेव स्वामी पाऊँ” भनी मनमनै कामना गरिरहेको भए पनि पिता हिमालयले विष्णुलाई पार्वती कन्यादान दिन तयारी गरेको थाहा पाई सखीहरूले पार्वतीलाई हरेर कसैले नदेख्ने ठाउँमा लुकाएर राखेको र सोही स्थानमा पार्वतीले “महादेव स्वामी पाऊँ” भनी निर्जला व्रत बसेको हुनाले यस व्रतलाई हरितालिका तीज भन्ने गरिएको पुराणमा वर्णन छ। वर्ष दिन घरदैलो ननाघेका नेपाली चेली तीजका दिन रातो साडी र पोतेमा सजिएर मन्दिर–मन्दिर धाएर नाच्दै गाउँदै 'वर्ष दिनको तीजमा माइती लिन नआए, मनका बह पोख्ने कता हो?' भनी गाउँदै हिँडेको देखिन्छ। भगवान्को आराधनासहित आजका दिन महिलाले तीजको गीतको भाकामा आफ्ना वर्षभरिका पीडा पोख्ने चलनस्वरूप विभिन्न धार्मिकस्थलमा महिलाले मादल घन्काउँदै नारीवादी गीतमा नाचगान गरेको दृश्य देखिन्छ। विवाहित चेलीले वर्षभरिमा एकदिन भए पनि तीजमा माइत जान पाउने र आफ्ना बाल्यकालका साथीसङ्गिनीलाई भेटी विभिन्न गीत र नृत्यबाट मनोरञ्जन गर्ने हुनाले चेलीबेटीका लागि यो पर्व विशेष महत्व रहन्छ। नेपाल बहुजातीय र बहुसँास्कृतिक देश भएकाले आफ्नो धर्मसंस्कृतिअनुसार मनाइने नेपाली महिलाका लागि दसैँ ठानिएको तीजमा विगतका केही वर्षदेखि सरकारी र गैरसरकारीस्तरमा सामूहिकरूपमा तीजको दर खाने र चुरापोते बाँड्ने चलन पनि बढिरहेको छ। नेपालमा परम्परादेखि मनाइँदै आएको नेपाली महिलाको राष्ट्रिय पर्व तीजमा विवाहित महिला माइत जाने, मीठो खाने र माइतीलाई आफ्नो पीडा पोख्ने गर्छन्। यस दिन महिलाका लागि सरकारी बिदा पनि घोषणा गरिएको छ।   http://www.weeklynepal.com/index.php?option=com_content&task=view&id=13956&Itemid=0 काठमाडौं। सत्तारुढ नेकपा एमालेको बीसौं पूर्णकालीन केन्द्रीय समितिको बैठक आजबाट राजधानीमा चलिरहेको छ। पार्टी केन्द्रीय कार्यालय बल्खुमा चलिरहेको सत्तारुढ घटकको यो बैठकलाई महत्वपूर्णका साथ हेरिएको छ। बैठकमा पार्टी गतिविधिको समीक्षा तथा संगठनात्मक संरचनाका बारेमा छलफल हुने एमाले नेता अमृतकुमार बोहराले जानकारी दिनुभयो। बैठकमा अहिले केहीबेरमा एमाले महासचिव झलनाथ खनालले राजनीतिक तथा सांगठनिक प्रतिवेदन प्रस्तुत गर्दै हुनुहुन्छ। सरकारमा पार्टीको सहभागिता महासचिवले पेस गर्ने राजनीतिक प्रतिवेदन तथा मंसिर पहिलो साता हुने आठौं महाधिवेशनको तयारीलगायत बैठकमा सहभागी हुने एमालेले जनाएको छ। बैठकमा सरकारमा गएको एमालेले अब लिनुपर्ने रणनीतिका विषयमा पनि छलफल  हुँदैछ। यस्तै सरकारमा सहभागी सदस्यको चयनमा देखिएको विवादका विषयमा पनि छलफल हुने एक केन्द्रीय नेताले बताएका छन्। गत शनिबार सुरु हुने भनिएको बैठक तीन दिन पछि सारिएको थियो। http://www.weeklynepal.com/index.php?option=com_content&task=view&id=13955&Itemid=0 काठमाडौं। आजबाट मुसलमान धर्मावलम्बीहरुको रमजान सुरु भएको छ। आजदेखि विश्वभरका मुसलमानहरुले जस्तै रमजानका अवसरमा नेपाली मुसलमानहरुले ३० दिनसम्म रोजा व्रत सुरु गर्दैछन्। रमजान महिनामा बिहान ५ बजेअघि नै सेबईलगायतका चोखो खाना खाएपछि साँझ घाम डुबेपछिमात्र रोजा समाप्त हुन्छ। मुस्लिम धर्ममा मुसलमानहरुले रोजा महिनालाई पवित्र महिनाका रुपमा लिने भएकाले यो समयमा कुरा काट्न, झुटो बोल्न, जुवातास खेल्न, अनावश्यक काम गर्न र योन सम्पर्क गर्न मनाही गरिएको छ। ३० दिनसम्म रोजा व्रत बसेमा पुण्य प्राप्ति हुनुका साथै पाप नास हुने उनीहरुको विश्वास छ। ३० दिन लामो यो व्रत बसेपछि मुसलमानहरुले महान पर्व इद उल फित्र मनाउँछन्। http://www.weeklynepal.com/index.php?option=com_content&task=view&id=13953&Itemid=0 काठमाडौं। नेपाल उद्योग वाणिज्य महासङ्घले सर्वोच्च अदालतले सिन्डिकेट हटाउन दिएको आदेश कार्यान्वयन नभएको भन्दै पाँचदिनभित्र पूर्ण कार्यान्वयन गर्न सरकारको ध्यानाकर्षण गराएको छ। अध्यक्ष कुसकुमार जोशी नेतृत्वको टोलीले सोमबार प्रधानमन्त्री पुष्पकमल दाहाललाई भेटेर मध्यपश्चिम र सुदूरपश्चिममा अझै सिन्डिकेट कायम रहेकोमा असन्तुष्टि जनाएको हो। प्रधानमन्त्री दाहालले सङ्घको मागअनुसार पाँच दिनभित्र उच्चस्तरीय आयोग गठन गरी सिन्डिकेट प्रणाली हटाउने निर्णय पूर्ण कार्यान्वयन गर्ने प्रतिबद्धता व्यक्त गर्नुभएको अध्यक्ष जोशीले बताउनुभयो। प्रधानमन्त्री दाहालले सिन्डिकेट लगाउने यातायात व्यवसायीलाई कारबाही गर्ने प्रतिबद्धतासमेत व्यक्त गर्नुभएको उहाँले बताउनुभयो। व्यवसायीहरुका समस्या समाधानका लागि गृहमन्त्री र स्थानीय प्रशासनलाई तत्काल निर्देशन दिइने पनि प्रधानमन्त्री दाहालले बताउनुभएको अध्यक्ष जोशीले जानकारी दिनुभयो। http://www.weeklynepal.com/index.php?option=com_content&task=view&id=13940&Itemid=0 काठमाडौं। नेपाल सरकारका प्रवक्ता एवं सूचना तथा सञ्चारमन्त्री कृष्णवहादुर महराले नेपाल वान टेलिभिजनका पत्रकारहरुको आन्दोलन पेशागतमात्र नभएर राष्ट्रियतासँग गाँसिएको बताउनुभएको छ। उहाँले लामो समयदेखि जारी नेपाल पत्रकार महासंघको अगुवाइमा भइरहेको नेपाल वान टेलिभिजनका पत्रकार कर्मचारीको आन्दोलनलाई सरकारलाई गम्भिररुपमा लिएको समेत स्पष्ट पार्नुभएको छ। उहाँले अब ढिला नगरी सरकारले नेपाल वानको कानुनी हैसियत र श्र्रमजीवीको अधिकारका बारेमा गम्भिर पहल थालिसकेको खुलासा गर्नुभएको छ। सूचना तथा सञ्चारमन्त्रालयमा पुगेका नेपाल पत्रकार महासंघका पदाधिकारी र नेपाल वान टेलिभिजनका संघर्षरत पत्रकारहरुसँग कुरा गर्दै मन्त्री महराले पहिले नेपाल वानलाई नेपालको कानुनी दायरमा ल्याउनु अनिवार्य भएकाले सरकारको कदम त्यसतर्फ बढेको र एक दुई दिनमै यसको छिनोफानो हुने बताउनुभयो। मन्त्री महराले नेपाल वानको कानुनी हैसियत र यसको उद्देश्यकका बारेमा सरकार संवेदनशील रहेको र प्रधानमन्त्रीसँग आफूले कुरा गरी सकेकाले चाँडै निकास आउने बताउनुभयो। उहाँले नेपाल वान भारतीय टेलिभिजन च्यानल भएकाले यस विषयमा आफूले तत्कालै भारतीय राजदूतसँग पनि कुरा गर्ने जानकारी दिनुभयो। सञ्चारमन्त्री महराले यदि नेपाल वानको व्यवस्थापनले सरकारको आग्रहअनुसार नेपालको प्रचलित कानुनको दायरमा आउन नमानेमा वा सम्पर्क नगरेमा सरकारले बाध्य भएर त्यसलाई नेपालमा प्रतिबन्ध लगाउनुपर्ने बताउनुभयो। संघर्ष समितिको तर्फबाट पत्रकार महासंघका सचिव रामजी दाहाल र रेवती सापकोटाले मन्त्री महरालाई जानकारी गराउनुभएको थियो। महासङ्घका सचिव दाहालले यो एकहप्ते शान्तिपूर्ण आन्दोलनबाट पनि माग पूरा नभए आगामी दिनमा थप सशक्त आन्दोलन गर्ने जानकारी दिनुभयो। उहाँले यो आन्दोलन नेपाल वानमा कार्यरत पत्रकारको मात्र नभएर नेपालका सम्पूर्ण पत्रकारको आन्दोलन भएकोले यसलाई थप सशक्त पार्न सम्पूर्ण पत्रकारलाई आग्रह गर्नुभयो। भारतीय लगानीमा भारतबाट सञ्चालित नेपाल वान टेलिभिजनले सरकारलाई अहिलेसम्म राजस्व नतिरेको र बेलाबेलामा नेपाल तथा नेपालीको भावना, सम्मान र अस्मितामाथि चोट पुर्‍याउने काम गरेको भन्दै सचिव दाहालले टेलिभिजनको कानुनी हैसियत स्पष्ट पार्न पनि सरकारसँग आग्रह गर्नुभयो।  यदि नेपाल वानको व्यवस्थापनले कानुनी बाटो छलेर नेपाल सरकारलाई झुक्याइरहने हो भनें सरकारले तत्काल सो च्यानलको नेपालमा प्रसारण बन्द गराएर च्यानलको नेपालमा भएका उपकरणहरु जफत गर्नुपर्ने माग राखेका थिए। पत्रकारहरुले नेपाल वानको अहिलेको आन्दोलनलाई पत्रकार कर्मचारीहरुको पेशागत हकहितसँगमात्र जोडेर सरकारले हेरेमा त्यो गम्भिर भूल हुने भन्दै राष्ट्रियताको आन्दोलन भएको स्पष्ट पारेका थिए। यसअघि नेपाल पत्रकार महासंघको नेतृत्वमा पत्रकारहरुले सञ्चार मन्त्रालयको मुख्यद्धारमा एक घण्टा धर्ना दिएका थिए। नेपाल वानको प्रसारण नेपालभरी सबै केबल टेलिभिजनहरुले आइतवारदेखिनै बन्द गरिसकेका छन्। पत्रकार तथा कर्मचारीले १४ बुँदे सम्झौता कार्यान्वयन गरिनुपर्ने माग राखेपछि व्यवस्थापन पक्षले काठमाडाँैस्थित व्यूरो कार्यालयमा २०६५ असार ३१ गतेदेेखि ताला लगाएको थियो।